集体課~上大班.
2007/08/30 10:04:09 網誌分類: 未分類
去學太極,楊家24式,返嚟セ都唔識.
跟住繼續上堂,顧得脚又唔顧得手.
又上堂,顧得手又顧得脚,開始得閒望下師父,師父又教多少少,咁又要顧手又再顧脚,就開始有d同學,嫌我遲鈍,好醒個d,幫師父一齊教--我,望下佢地,擺隻脚又歪,手又唔啱,咁都教我?我認真,擺出嚟似噃.
再上堂,師父教招式,學得又快又醒個d,就做哂助教,一齊教我地幾個,唔係一望就識嘅同學,望鏡,見佢地龟行鼠步,我擺得好靓-個姿勢,話哂都做過戲,但冇人欣賞,乜嘢叫正確姿勢.
又再上堂,班助教直情好快樂,一個擺我隻手,一個郁我隻脚,直頭好似公仔,俾佢地舞,真係好想郁佢地,但太極又慢到死.
心好想講,大佬,我俾咗錢.俾返個師父我,得唔得?
有時貪得意,去睇下人地,上粤劇身段班d朋友,又梗見學學下,就走咗幾個助教幫師父教,好得意.
唱歌又係,一班人唱,一定有把声好大声,突咗出嚟.hehe.
我係個種,揾個角落,唔多覺,坐低噏噏噚噚,後面講就贏哂,前面講就輸哂,因為幾個阿哥,一個細佬,幾時到我講?
回應 (0)
我要發表