晚飯孖寶
2013/09/02 15:41:06 網誌分類: 未分類
煙肉炒四季豆 + 焗法國BB春雞
1. 今次用左煙肉炒四季豆,係咪有啲奇怪呢?其實用煙肉炒菜響西餐度經常會咁做,我煮菜好少會用到煙肉,祇因早前買左嚟整「忌廉南瓜湯」,煙肉唔擺得耐,所以用佢嚟炒四季豆囉!
2. 上次一次過買左兩隻春雞,雖然雞可以放好耐,不過遲早都係要食架啦,咪早啲煮左佢囉!上次我成隻焗,落左少許意大利香料;今次我開邊焗,落左雜香草(mixed herbs),我覺得更好食!最好係真係冇咩雞油,有嘅都係自己落嘅橄欖油嚟;雖然成$40一小隻,不過好食過專門店啲手撕雞(我自己梗係咁講架啦,唔係咩嘢呀),豈碼我知道裡面放左啲咩嘢吖馬。
知道,謝謝!
記得搣左D雞肺。
謝謝!
二百度焗三十分鐘,用針試吓,應該可以。我最初焗四十分鐘,衣家減左。
我今日都買咗兩隻BB雞,請問要做幾多度火焗呢?
Van仔,唔可以在相片前、後、中寫,係咩意思呀?
我都覺得新不如舊,不過係冇辦法之中嘅辦法!
我上載相後,一定要在相的前面寫,唔可以好似你咁寫在後面,又唔可以在相的中間寫!回應又不可個別回應,無阿虎咁好。
煙肉係好咸,都好少食!只係早餐偶然會煎一塊煙肉,一隻太陽蛋,二片多士,一杯咖啡,算豐富架啦!
用煙肉炒飯都好味架!
我鍾意西式方法烤雞或焗雞,比較健康。豉油雞鹽分同糖分都高。我祇用蒜頭、檸檬、海鹽同香草調味。
煙肉炒椰菜,好煮意吖。我吾鍾意齋食煙肉,太咸!
隻雞望落去都好好味咁, 我試過買黎整鼓油雞, 好鞋, 所以無再試。
老伴好鐘意用煙肉炒椰菜,但我就鐘意煎嚟食,香脆啲.
呢度唔可以好似舊網咁個別回應留言,爭d囉!