感動時刻
2013/09/02 16:18:09 網誌分類: 未分類
非常值得記念的一刻,紅豆小姐和哥哥破冰了。
哥哥太曳,重儀態的紅豆小姐老覺得牠莽撞,哥哥一埋身牠就胡胡聲。多少日子過去,昨夜大夥攤在飯桌玻璃上抖涼時,紅豆小姐突然伸出友誼之舌,舔起哥哥來,小朋友十分受落,軟攤在檯面,手仔一伸一縮,顯示十分享受。
貓之間的友誼有時十分飄忽,初見面時互相容不下對方一粒沙,迫在一屋之下,日日互相眼超超,稍一埋身就打鬥,之不過冰塊總有溶掉的一刻,彷彿是一種神秘的電流,一互通,戒備下下子解除,就可以做一生的貓友;當然,我也試過失敗要隔離飼養的......一次咁多啦。
我愛肥米
關小姐:
在紅豆後面的肥米, 見紅豆舐哥哥, 當時有無眼紅?
Old-Ox
真係好溫馨既一刻呀,單睇相片連我地都感受到.....肥米....你要醒醒定定呀
係丫,肥米屎火咯
連紅豆小姐都支持唔住哥哥o既魅力,肥米今次有勁敵啦.