香河越南菜館
2013/09/03 18:15:33 網誌分類: 飲食
今日去祟光買嘢,買完十二點幾,見附近有間「香河越南菜館」。
我一向喜歡食越南嘢,特別係佢地嘅甜品。去到果陣都未到食晏時候,即刻入去食嘢,因為遲啲要等位就唔駛預我----反正我中午果餐食唔食都得!今次純粹係見倒係越南嘢先走入去食。
越南嘢,最傳統咪係「生熟牛肉粉」囉,食豪嘅咪「香露大頭蝦」囉!其實我最鍾意食嘅嘢係「鴨仔蛋」----又嚇死人啦!不過,近呢十年八年,越南食肆好似越嚟越少,反而泰國食肆越嚟越多。依家都冇咩邊家越南餐廳有「鴨仔蛋」食!
今日叫左「香茅牛肉撈濛」(係凍食)同「粟米糯米」。
侍應好貼心,聽我叫「撈濛」,便提我係凍食;我叫完「粟米糯米」,佢亦即刻講:係甜品嚟喎!
可能你會不以為然----如果你清楚呢兩樣係咩嘢。問題係:如果你唔熟識越南嘢,有可能你唔知撈濛係凍食、亦唔知「粟米糯米」係甜品;所以即使我知,我覺得佢提醒客人係好事。
侍應之後取了一小碗「魚露」給我,這是吃「撈濛」不可缺少的汁料。當我叫的「撈濛」送到時,侍應提醒我經已加了魚露,如不夠味才再加。我覺得侍應做得好好!
但係,作為一間食肆,最緊要梗係食物嘅質素啦!我果碗「香茅牛肉濛」完全冇香茅味、啲牛肉又硬到好似食緊牛肉乾咁,好彩啲濛粉都仲見得人-----因為有啲食肆啲濛粉雪到一舊舊、散唔開!
至於個甜品嗎?原本以為都冇咩理由會失敗嘅,但係...
糯米煮得太稔,冇晒口感!
我只食牛肉粉同春卷。鴨仔蛋?好恐怖,咁殘忍!
越南嘢好多都好食,我至愛嘅咖哩,越南果啲香而不辣,最啱我!不過,依家唔知係咪因為將貨就價,食味大打折扣!
我識得幾位越南華僑朋友,佢地帶我去越南菜館食牛肉七味,唔錯.