網上調查- 你為咩上FORUMS...

近日想搵D野, 申請左個ACCOUNT去某個大型FORUM... (我好似做專題研習咁寫左D假設既問題想搵人答, 集思廣益)

不過我上個FORUM志在問野, D唔係答我問題既人群又走左去, 你一句、我一句, 都唔係答問題。

到底你地為咩事上FORUM呢?

當然真正有人會答我既問題, 一半答, 一半黎玩野。

FORUM係咪俾寂寞既人上去傾計, 即使係一句「同意」「ME2」「我都咁覺得」...

睇住D咁樣俾回應既人...

我覺得佢地搵緊群體依靠(尤其, 果D網民都係女性! 典型既女性係關係為主, 唔似我咁以目標為本, 因為我自細同D呀哥一齊長大, 幼稚園開始就覺得女仔好悶了, 所以到依家, 去FORUM講句野, 人地都覺得我唔係正常女仔- 佢地傾向主觀, 我傾向客觀, 只係冇預到一出POST就俾人奇怪既感覺)。

佢地唔係上去求知識, 唔係上去幫人解答問題, 而係去組小圈子,

你係新丁, 一係就埋堆, 唔係就踢返你出去。(咁似真正既女性社會型態既...)

好在我只係去搵資料, 搵完資料我理得佢地。

雖然我好有禮好誠懇咁問, 同埋去多謝D俾左有用答案我既人,

但其他人係咪覺得我太認真, 所以以為我上去搗亂呢? 句句啄住咁。

唔緊要, 當地不留人(果個FORUM呀), 自有留人處。