食物相沖一覽

2013/09/08 17:57:45 網誌分類: 飲食
08 Sep

搵到篇野, 轉載黎呢度先:

http://alumasso.hkbu.edu.hk/hkbucmaa/bbs/archiver/?tid-3484.html


牛奶+朱古力=生腎石

朱古力奶、牛奶朱古力呢兩樣嘢,年中不知食幾多,特別係小朋友。不過黃薇話,呢兩種食物結合兼長期大量食用,有機會生腎石!

「牛奶含有豐富鈣質,而朱古力亦含有不少草酸,兩個夾埋的話,就會在腸胃內形成不能被吸收的草酸鈣。由於鈣質已經變咗做草酸鈣,身體就完全吸收唔到鈣質,而草酸鈣更有可能形成腎石!」

高草酸食物

芹菜、茶(中國茶及紅茶)、咖啡、菠菜、豆類、朱古力、葡萄、青椒、士多啤梨等。

 (朱古力奶、奶茶、士多啤梨奶昔, 咪高危???-- 讀得感)

高鈣食物

豆腐、奶類製品(奶、乳酪、芝士等)、深綠色蔬菜如波菜、西蘭花等。

易中招菜式

芝士焗西蘭花、朱古力豆腐花、菠菜豆腐、士多啤梨乳酪。

解決方法

飲緊朱古力奶的你唔使咁驚,因為朱古力奶中朱古力含量不會很高,即使結合成草酸鈣對身體影響也不大。而上述菜式大多只偏向其中一個成分,例如芝士焗西蘭 花,芝士一般都不會太濃,偶爾吃一兩次不會有大問題。而且,小量的草酸鈣會經尿液排出體外,若濃度高的話才容易積聚成腎石。不過父母應留意,小朋友長期飲 朱古力奶會減低鈣質吸收。

匯浚營養健康顧問營養師黃薇話,食物相沖的原理在於一同進食時會影響營養吸收,或者當中的化學成分起衝突,一般來說不會中毒。

「好像大家都知道蟹不可以和柿同吃,否且容易肚瀉。中醫認為是因兩者都屬於寒涼食品,吃得太寒就會影響脾胃。營養學則認為柿子含大量鞣酸,混合蛋白質豐富的蟹會產生沉澱物,容易產生腹瀉、肚痛等腸胃不適症狀。即使吃完柿子後不吃蟹,改吃豬肉、雞肉等肉類,都會較易肚瀉。」

除了蟹不可配柿等上一代已知的禁忌,以下是一些近年得到證實的食物不宜同食的例子。

 

磁錯配搭

牛扒+紅酒=影響造血 (呢D咁奢侈既生活唔關我事~~)

黃薇話,牛扒同紅茶或紅酒撞埋一齊,會影響身體吸收鐵質。「唔少人愛飲紅酒配牛扒,其實紅酒有好多單寧酸,和鐵質混合便會出現沉澱物,身體無法吸收。食完 牛扒飲紅茶亦一樣。偶爾吃一次牛扒,再飲杯紅茶或紅酒所流失的鐵質並不太多,不會導致貧血,可是平日吃飯,不少食物都含有鐵質,如果你習慣吃飯時或飯後飲 紅酒或濃茶的話,就要小心了。」孕婦需要吸收大量鐵質,因此要特別避免飲濃茶。

高鐵質食物

貝類、內臟、蛋黃、紅肉、魚及深綠色蔬菜。

高單寧酸食物

紅酒、茶、咖啡。

易中招菜式

茶葉蛋、紅酒牛尾煲。

解決方法

有研究顯示,一杯茶會降低64%的鐵質吸收,一杯咖啡就會降低35%,所以食用紅肉前後2個小時盡量都唔好飲茶或咖啡。貧血人士同孕婦亦要特別留意。

雞蛋+豆漿=消化不良 (都話睇過佢地相沖架啦, 燒餅又話佢公司係咁整...佢公司仲要係米芝蓮架喎...)

 

豆漿好處多多,不過記得唔好同時食雞蛋。黃薇話:「因為豆漿含有胰蛋白抑制物,而蛋就有大量黏性蛋白,兩者撈埋一齊會產生一種身體不易消化的物質,甚至會出現肚脹、肚痛同肚瀉,令兩者的營養都吸收唔到。」 


高胰蛋白抑制物食物

豆漿。

高黏性蛋白食物

蛋及蛋製品。

易中招菜式

豆漿窩蛋。

解決方法

胰蛋白抑制物在未煮滾或加熱不足的豆漿內最多,自製豆漿時一旦煲得唔夠滾,再配合雞蛋食用就好易出事。解決方法好簡單,自製豆漿的話,記得要把豆漿加熱至 70以上3分鐘,即可破壞當中的胰蛋白抑制物。至於在外面購買的豆漿,由於多數已煲過,胰蛋白抑制物含量應該不多,如果仍擔心的話,可以飲熱豆漿或鹹豆 漿。


(原來煲返熱就冇事, 唔怪得佢公司冇事...)

 

(跟住係推介既, 唔係相沖既)


食糊配搭

檸水+牛扒=補血

牛扒唔適宜配茶、咖啡或紅酒,但檸檬水就係最好配搭。「因為檸檬含有大量維他命C,可以幫助鐵質吸收。」

黃薇話,有經血過多問題的女士更加要咁食:「試過有位有經血過多問題的女性問我食咩會精神啲,我就建議佢食牛肉,結果佢食咗一次就已經好番好多,所以女性記得食多啲牛肉。不過記得要飲檸檬水,而唔係檸檬茶,同埋唔好落咁多糖!」

高維他命C食物:

檸檬、橙、士多啤梨、西柚、奇異果、番茄等。

 

推薦菜式:

羅宋湯,燒牛肉沙律。

菠蘿+豬肉=幫助消化

原來菠蘿咕嚕肉除咗好味之外,仲係好配搭!「因為菠蘿含有可以消化蛋白質的酵素,同肉類一齊食有開胃消滯作用。而木瓜亦有同一種酵素,功效一樣。」黃薇話菠蘿同木瓜可以配任何肉類食用,尤其是夏天去BBQ,幾乎全部都係肉,更加要吃這兩種水果幫助消化同增加纖維攝取。

 

回應 (1)
我要發表
ivina
ivina 2013/09/08 17:59:24 回覆

點樣防止食物相沖呢, 我會PRINT呢篇野出黎, 圈住D經常食既野, 貼嚮雪櫃, 每次煮/ 食之前查下, 確定冇事先食...

不過出到去食野, 就要上網搵返呢篇野LA, 哈哈

user

最新回應

ivina
ivina 2021/12/09

{#iconb_69}

ivina
ivina 2021/12/09

英文版UPLOAD緊

wongi
wongi 2021/11/06

送上星星。姜B魅力很厲害,他的影迷在金鐘的麥當奴排隊,在mirror 樂隊前拍照啊!場面熱鬧啊!

淺雪
淺雪 2021/10/30

你都幾多想像力..不個鍾意一個人或一首歌..係冇理由可言..