梁思浩有語病?

睇娛聞見到梁思浩寸近三年香港小姐無人識, 仲大聲叫無線將香港小姐個名改埋! 稔落真喺幾好笑! 唔知梁思浩出身無線嘅時候, 要用幾多年時間至比人廣為認識? 唔通佢一出道就紅透半邊天? 所以今時今日可以口無遮攔咁要幾寸有幾寸? 縱使無線曾經有高層薄待過梁思浩, 並唔等如全無線高層未有栽培過佢噃!

做得呢行, 都知道人無千日好嘅格言! 梁思浩有今日成就, 除左本身努力拼搏, 起初出道時無線嘅栽培點都有一啲啲功勞. 所以, 無咁上下時間嘅浸淫, 無咁上下嘅機會拼搏, 相信梁思浩呢三個字至今都唔會有人認識! 相對地香港小姐同梁思浩初出道時, 又唔見得有咩嘢唔同, 只不過有人早, 有人遲, 唔識有咩出奇?

~~待續