阿爺的心魔

為爭一個位

行家扮矮仔

龜孫難養也

阿爺冇眼睇

江湖傳聞阿爺心中有一道魔咒、而這魔咒將會影響四年後總督杯雷台大賽嘅賽果。咁、究竟那是一道怎麼樣的魔咒、而這道魔咒又是否能夠拔除呢？

雖然距離二零一七總督杯雷台大賽尚有四年嘅時間、但宣傳戰早已開打、除咗佔街大聯盟大造聲勢之外、大反派陣中傳出食過返尋味嘅信鴿幫似乎有意思要再次擺脫盟友獨自經營。那位一向言無不「靈」嘅霉橋老人唔湯文則放話、指阿爺為免紫荊城控制權落在鷹尾手上、故將會嚴禁亂講分子進入競技場。之不過他的得意門生登陸成忽然公開聲稱、擔心大反派勝出就是阿爺嘅心中魔咒、假如能夠將之拔除嘅話、真正的公平競賽就會出現。

從過去嘅種種事蹟顯示、每當阿爺嘅主導權威受到威脅時、即使是玉石俱焚都要將敵對勢力毀滅。冇錯、在原則上而言、能夠登時爭取到公平公正公開嘅雷台大賽確實是紫荊人之福、不過在現實環境是絕不可能。試問以阿爺今時今日的強勢、誰人有足夠份量與其爭一日之長短？君不見上次小圈雷台一役、全城四大會館五大家族與朝中三工系列嘅人馬聯手也無法扶豬滅狼嗎？今次登陸成揚言只要阿爺拔走心中魔咒、即使是大反派中人勝出都不會發生拒絕簽發確認書嘅情況。唔知閣下點睇、在下就絕對不敢苟同。萬一阿爺真的拒絕簽發確認書嘅話、你猜猜會發生啥事？假如到時出現新督爺以I am ｓ ｅｌｅｃｔed為理由在世人面前企硬、而阿爺又決不肯承認其資格嘅狀況、你話應該點辦？請你話我知、呢個狀況似唔似紫毒？究竟登陸成大叔知唔知到自己講緊乜嘢架？