唔衰得

你說我細不是細

講你唔掂我閉翳

衫剝褲除起晒槓

當場晒冷畀你睇

呢嗱、相信各位居住在灣仔區的老街坊都可能曾經聽過一句“自認灣仔為大佛”嘅有味俗語。呢句話是用來諷刺那些喜歡將自己的性器官作大的男士。事實上確實有人不介意別人形容自己個子細小、但最忌的就是被人指自己的性器官細小、何況被自己女友當眾公開曬呢？咁搞法、確實唔嬲就勢係假喇！

日前有一則的報導、一對拖友在兆康鐵路車站大堂內爆發口角、女方失驚無神爆響口指男方的性器官細小、而男方聽後立即認真起來、並反問她講真抑或講假。點知女方卻完全聽不懂男方所說的話、並且繼續譏諷他是折不扣的小兒科。男方見講來講去女方硬要將自己的炮艇貶為舢舨、登時被氣得暴跳如雷。正所謂大丈夫恥可忍時辱不可忍吖嘛、何況是上天賜給自己的明明是炮艇、豈容別人視之為舢舨？一想到這裡、登時無明火起三千丈。就在火遮眼的迅息之間、男方忽然大聲叫喊：“你話我細吖嘛、我現在就除畀你睇”然後當眾把身上衫褲鞋襪通通脫光、赤條條的站在大堂閘機之前怪叫。經他那麼樣一鬧、立即吸引數十度目光向他投射過去、其間有人急急拿出手機快拍幾張相片留念。但可惜報章提供的照片只能見到男方的背部、以及有一名鐵路站女職員遠遠的站在他身後、其他的一概欠奉。因此看官無緣得見足以令到那位仁兄自豪、而須要公開讓大眾品評、的性別特徵有多威水矣！

其實身體是天生的、屬好屬醜都不是由自己決定、根本上無必要為別人幾句戲言而當眾剝光豬。坦白講、若然自己的架生是大號嘅話、根本無須拿出來曬、否則就更應該將之藏拙吖嘛！搞到要浪費警力兼且上埋報又何苦呢？