成功了
2013/10/04 08:41:11 網誌分類: 生活
經過金錢癬的折騰後,Mo仔最後成功融入家中,是為不幸中之大幸,過程更比想像中順利。 肥米是大佬,要融合,得先過牠一關。米爺是儍貓,對於陌生氣味會瞇起眼胡胡叫,牠對哥哥和Mo仔初時都一樣,瞇起眼睛防止被襲,卻很少出手攻擊,看準牠這個「弱點」,總之貓不犯我,我不犯貓。於是我把兩隻貓在牠面前晃,直到牠胡胡聲就搬開,如是者試多幾次,等牠慢慢接受對方存在,只要牠倆不走得太近…… 融合重要的一步,是一齊開餐,要預盛大的貓罐罐侍候。美食當前,肥米顧不得那麼多,一頭栽進去就吃,我故意把Mo仔放到肥米旁邊,讓兩貓肌膚接觸,近得嗅到彼此的呼吸。肥米第一餐不肯和Mo仔並排,要走過兩步揀其他的貓兜,好在撞正Mo仔是為食精,有得吃就乜都唔理,趁牠吃到中途就轉位到肥米旁邊。沒想到第二餐基本上八貓已可以混在一起了,看着貓群穿梭其間,沒來由的感動。 在吃的問題上,八貓目標非常一致,攻陷所有罐罐就叫贏,甚麼敵人,都拋諸腦後。 關慧玲 |
真是一人個好消息, 好感人的場面, 恭喜晒 。哥哥仔會是肥米的勁敵, 因他會越大越靚及有一種媚態。
真是一人個好消息, 好感人的場面, 恭喜晒 。哥哥仔會是肥米的勁敵, 因他會越大越靚及有一種媚態。
真是一人個好消息, 好感人的場面, 恭喜晒 。哥哥仔會是肥米的勁敵, 因他會越大越靚及有一種媚態。
哥哥仔身型與心境與日俱增,已經有mo仔咁大隻,好快就追上肥米......
嘩,這張開餐相,超得意 好可愛呀,,,,,,,,,,
即刻見到隻隻貓爺乖哂,一起分享美食,睇得我好開心呀
關小姐,絕對有"家教" 你好成功呀!
唔見嘉德里奧!!
Old-Ox
狗仔哥明明細過mo仔,但size就勁過mo仔,好快就會與肥米看齊 ^^
睇相好似俟住真真嗲緊佢咁
恭喜恭喜, 8貓可以融洽相處, 真係好呀
另外, 從高處望到哥哥仔個pattern真係好靚啊!
恭喜晒!!! 關小姐的辛苦沒有白費了!!!
好開心聽到呢個消息呀, 恭喜晒米米媽...祝眾貓爺雙康快樂地成長