近况好好
2013/10/11 05:45:46 網誌分類: 生活
多謝Catcat,van仔丶亞夢垂問,高興認識了您們,多了很多関心。 放假回來,返工返到儍,一來忙二來亞頭自作聰明編了連續返九天才 放假,兩星期疊埋一齊,錢冇多,但假期弄亂了。 每次回來總對香港念念不忘,和老父話別淚如泉湧,女兒每次也喊, 我一定咬牙強忍,今次淚奪腔而出,因為97,下次返,又不知如何,老父 笑:"儍嘅,有乜好喊?得閒就返",知否?時間大把,可惜••••••又要再儲 呢!香港生活指數好高,用錢用到嚇一跳。 泰國行,兩母女回味無窮,快樂之旅,話題說到今天依然延續著,希望 明年可以再展開另一次的旅行,又要節衣縮食了。 希明年再和各網友同聚,藍鼠,van有空請出席,多謝呀! !
我唔寫唧,但日日巡您地㗎,記得寫blog,記得寫呀~您地,哈哈!
TT努力工作搵多些錢下年回港探超伯今年不能╴聚等待明年啦 楮(黃老五)
吓!連續返九日工,唔怪之得啦!
下次返嚟去短線旅行,如果你跟團去四五日,去邊都無所謂,可以去吓台灣呀!新加坡呀!
其他時間可以陪吓超伯、屋企人!
tt,你所講,我明架!我女兒很難返來一次!我不能送她出機場,怕難以收拾。
希望明年能再與你相見!
兩母女去旅行是很開心的事!我今年泰國之旅也很開心,孫兒問我幾時再去!
你早啲約,我一定盡量安排嘅。今次一次係医院覆診、一次係親朋聚會,改吾倒嗜!
tt我有巡妳地D網㗎,除非真係累到隻眼撐唔大,否則一定去妳地D網度巡遊一次㗎 ,記得在加國好好生活,努力儲錢 ,明年與Eva囡囡回港探望超伯 ,還有與我們聚聚! 保重身體呀。
唔好剩係掛住玩面書....,都要記得返嚟同網友吹水喎!
上次我同家姊響機場話別時,大家都忍唔住喊,畢竟彼此年紀唔輕了,今朝一別,再會何期?
妳還好,可以每年返港見吓老父,節衣縮食都值得架!
如果時間許可、就上網傾計啦!