嘆泰菜

今次揾吃的地點系九龍城打鼓嶺道5號的同心泰國菜館。店內裝修平民化，有種“hea”的感覺，系好適合周末去的餐館。

坐低後，我研究左個menu好耐，發現選擇都幾多，價錢OK合理。我地點左每次吃泰菜都必叫的海鮮冬陰功湯。湯用打邊爐的煲仔上，吃到凍左可以熱返再繼續吃，贊！試左一啖湯，香料味濃郁（特別系香茅味），味道就酸酸地，一D都唔辣。湯里面有兩只大蝦，好多雜菇及mixed香料，都算豐富，而且份量仲幾大，四個人吃都夠。

頭盤就揀左酸辣鳳爪, D鳳爪好大只嘎，都幾辣，味道不過不失，份量就足夠四五個人吃。

主菜來啦，系咖哩炒蟹。咖哩好惹味，唔辣，送飯一流。D蟹亦好新鮮，仲勁多膏添。$280一大碟，抵吃！

來多碟蒜蓉炒椰菜苗，青嫩爽脆，好吃！

大笨鐘仲order左青檸梳打，ok好味喇，但我個人就唔系咁鐘意飲凍耶。

呢餐吃得好滿足，好飽，埋單$550有找，其實份量足夠4個人食嘎。