百廢待興

2013/10/17 13:02:53 網誌分類: 時事
17 Oct

 

頭頭碰着黑.

寸步移不得

棄暗再投明

包你冇委屈

 

近年來咱們社會上有人欲買私樓而無銀両、欲入住公租樓而無資格、欲買公售樓而無希望、邊城地皮早已被地霸囤積、前督爺趁勢停止興建平賣樓、又故意放緩興建平租樓的速度、令到城中新一代無殼蝸牛人人火燒心、個個想打人、使得全城氣紛變得異常局促和古怪。雖然舊督已去新督來、但社會上嘅失衡現象卻越來越嚴重。例如今年忽然有大批雙非兒童闖入邊區與本地兒童爭奪幼園學位、但書齋部長黑仔儉嘅表現、令人聽到耳則、睇到眼凸、使得邊區居民機乎無人不扯火。所謂求人不如求己、家長為子女爭取幼園入學面試機會、被迫在街邊露宿輪候派籌。咁搞法、納稅人唔嬲爆至奇啦!

 

最近城規會居然無視九成六人反對、堅持要批准一家位於扯旗山的古老大宅變身為小客棧、並容許該客棧的載客專車在那條峽窄的道路上行走。有傳媒踢爆、原來客棧的東主就是督爺副官小華華之弟、難怪此事在社會上引發諸多揣測了!其實要解決問題一點也不難、問題是督爺嘅態度如何。例如政府可以出錢在峽窄道路旁山邊挖一條騎樓底式的行人路出來、或是在原來路邊加建一條山頂行車走廊、又或是加設一個酒店專用吊車系統、再唔係就用直升機啦、總之問題解決了就無人再嘈架喇!但官老爺口係話車輛無優先使用道路權、人車共用一路無問題喎!喂喂、那些拖住部手車在街道上趕頭趕命嘅水客同樣無優先使用行人路嘅權力、但實情係嗰班人個個喜歡橫衝直撞吖嘛!呢個官僚廢柴成咁、算係點啫?

 

現在督爺想收農地遭反對、要填海遭反對、想利用市區僅餘的空地來插針也遭反對、想打郊野公園主意同樣遇到反對。喂喂、督爺大人、依在下看來、閣下簡直係牛皮燈籠、點極都唔明。事情發展到這個地步、即使是傻仔都看得出唯一出路就是去敲五大家族嘅門、然後恭恭敬敬的拿出合作誠意來。只要能夠討得大老闆開心嘅話、要權有權、要勢有勢、到時就不愁冇地可用。須知到、未上線的木偶只是一堆廢物、只有上了線的木偶才有生命。俗語都有話啦、拗頸冇大餅吖嘛、橫掂要埋堆才有作為、倒不如捨棄目前那群弱雞嘅二三流老闆、仍合大眾意願投入五大頂級老闆懷抱做個有神彩嘅扯線公仔、到時可能獲得萬民擁戴兼萬古留芳都未定架!

 

 

 

 

回應 (0)
我要發表
user