CY超難撐
HKTV無牌事件經過一周，己睇到政府的後着是甚麼，是一連串沒有溝通的溝通，名堂是行會保密制，真是好失望。
梁振英指拒絕發牌原因為機密，亦因行會保密制而不能透露，我在其他社交媒體指這個做法必然把火燒到行會保密制之上，令行會受到衝擊挑戰，有如自毀尚方寶劍。
另外，梁採取一種拒絕坦誠溝通，把事件看為單純經濟和法律案子去處理，忽略事件的社會層面影響，在審議發牌中完全沒有把藝人和觀眾意願的因素算進去，亦非常失敗，令人質疑CY溝通民情的能力。
事實上，王維基是大企業家，燒了十零億，仲係非常富有。政府是次的行為，傷不了王維基甚麼。但係跟了他的藝人呢？期待的觀眾呢？都覺得受到傷害。如果沒有一個可以明白的說法，市民可是無法接受政府的做法。
就像我這種挺梁挺了很久的Blogger，就算想為梁CY再辯解，也無法給出合理的理由。一味的幫他猜這猜那，我自己都覺得自己的文章欠缺理據和說服力啦！郊野公園起屋呀，焚化爐呀，單程證呀，等等等等的議題，我都有理據撐政府。唯獨呢一單搞到用行會保密制來擋，真係投哂降！
再加之呢次事件牽涉到無辜藝人的生計，市民關心，失業的藝人又可以帶隊天天圍政總，爆炸性雖不及反國教（因為無愛港力之類喊陣），但波及面肯定更加廣。如果反國教是火藥炸彈，HKTV事件就是硫酸彈。如果政府唔出力Ｄ拆彈，係會把市民僅有的信心侵蝕淨盡。
（拆彈方法很多種，我心裏已想到好幾種。梁振英用行會和司法制度來擋，我認為唔係拆彈，而係把炸彈攬在身上。）
今次一戰，事件無關中港矛盾，連挺梁的愛港力都無法插手，因為名不正言不順，完全係梁振英自己把自己（連同行會）與市民對立起來。從政治上看，除非這是一個佈下的局，最後玩一場順應民情的結局，否則對政府和梁振英自己百害而無一利。對於香港，梁指背後有不可告人之機密，他是在為香港着想，可是作為香港這城市目前的領袖，自毀清譽，更加倍的不符合香港的利益。
再者，逼了幾天，政府總算多吐了幾個準則，大多是HKTV能力最差，或者市場承受力不足之類，但聰明人會權衡輕重，最差又如何，市場承受力不足又如何，到幾年後有電視台倒閉，沒有人會指控政府，今日拒發牌，則萬箭穿心，嚴重打擊政府在市民心中的認受性，這個損失，那些低智能顧問報告有沒有反映出來？所有可能說得出口的拒絕理由，都是可有可無的雞肋理由而已。
我以為梁振英睇住董伯點衰（家長思維，為孩子好，甚麼都偷偷地幫孩子決定，不與孩子討論），有學習能力，可能懂得汲取教訓，避免重蹈覆轍，誰知佢教訓只係汲得一半半。莫非師父點衰，徒弟就點衰？
林鄭近年都為佢仆心仆命，佢形象差，林鄭用自己清譽幫佢頂住，誰知他都不懂得珍惜林鄭幫佢爭取返來的少少認受性。咁林鄭會唸：「我幫你為乜？嘥我工夫。」俾我係林鄭，以後都唔會再願幫你撐場啦！
認受性這個詞呢，英語叫Legitimacy。唔識呢個字在西方政界學界係會俾人笑。CY唔會唔識卦？
我現在確實仍然相信自己當初無挺錯梁，不過這信念已不如當初，現在的想法是，挺梁只係因為唐唐太差，梁振英上比唐唐上好而已。
梁經常指自己經常落區，講民生，民生也不只是居住問題和垃圾問題，有沒有喜歡的電視節目可看，也非常之民生。
司法覆核應該是問下法官咁樣拒發牌係咪合理，遲Ｄ一定要聽下法官點判。
香港人現在的希望，應該是等2017快快普選換特首。
唐唐唔得，梁振英竟然浪費自己的聲譽同時間在呢Ｄ咁無謂的爭議之上，一樣難撐！機會是別人俾的，架是自己丟的。普選近了，梁振英快點悔改吧！
網誌維護：今日點擊率上升是因為做例行網誌備份。
indy兄晚安，
一個陰奸的人，一定唔會"語無倫次"，唔多出聲的人，最可怕。
"語無倫次"即是幼稚，唯有聽足謀臣，一定唔會抗命北京。
唐唐出身工業家，怎會讓樓價狂升！
梁生靠地產發達，又怎會弄死地產。
樓價狂升，出現很多問題，高通漲，民怨四起。被推倒政權，原因多數是高通漲。
mattock,
如果唐唐真係一個波，讓原班人馬搓圓撳扁，毫無怨言，聽教聽話，那麼你是對的。
但他做政務司長時多次語無倫次，明顯out of control，令人無法相信佢會聽足謀臣的說話。
indy
扇子：
要點唔係選個萬眾期待，而係否定剛復自用的做法。
（靠把口氹傾到選民改變主意，容許你去滾則屬例外，美國人最叻呢套，水門事件後，美國政客都已經知偷偷摸摸係無好結果，所以把口練得更加叻。）
indy
PS先前措辭太重，刪字。我都希望梁特首補到鑊，以後小心Ｄ。
冬姐:
Sorry, 我講得興起，借題發揮而已。
indy
我更加唔信！
叻人唔會做特首，事實擺在眼前！
我撐豬，絕對不是看好豬，而是看好原班人馬！
Indy, 我沒有評論過你的意見啊！我只是講有些人的仇恨心影響了自己的判斷力而已．
冬姐：
也不能因為我素來挺梁，偶然做錯了就當佢做得啱。
今次佢明顯係捨本逐末，輕重不分。
也許佢覺得王維基非對付不可，但佢唔得唔唸全面少少，對付王會有甚麼其他牽連。做特首唔同做老闆，員工可以炒魷，市民係唔炒得的。
用做生意果套來做特首，實死無生。
其實要平息都唔難，你出一招照起所有失業藝人，個浪潮就已可平息一半。
如果做唔到，呢種咁既低智能高風險決策，就避一避啦，唔該！
indy
從報紙消息睇來，愈來愈多官員同電視決策劃清界線，大家只係被行會集體負責同封口制限制住，唔講得嘢，苦過食黃蓮。
呢種古怪制度，係時候檢討下係咪仲Work。正因為受到制度保護，變成開會時發咩傻都得，傻耐咗以為行會裡面傾大家都接受，就等於政策出咗去都一樣大家接受。
梁振英可能已經被行會保密制寵壞咗。佢唔記得咗行會裡面的人，唔係出面佢要面對的同一班人了。
indy
我最近睇日劇半澤直樹，幾好睇，誠意推介！
上次菲傳媒報導香港特首同意放下一事，有FB友人已肯定梁一定有說過，而我就不肯相信．其實很多人都被自己的一顆仇恨心影響了判斷能力，討厭CY就認為他一定做衰野，我覺得這種心態要糾正一下！
某友人私密回應：你都唔睇電視，介理咁多做咩？
答：我關心香港人的文化工業競爭力，今日唔睇，唔代表我唔想香港將來再出一些非睇不可的佳作。
我曾一度以為自己唔再追劇。
但當韓國大長今一出，或者太太叫我一齊煲木村劇，我都追埋一份。
同時，我亦好懷念細個時睇過的金庸和鄭少秋的武俠劇，亦喜歡周星馳，我對這些輝煌過去的消失，有一種執着。
加埋最近多讀了很多文化工業理論，更加覺得這些消失本是一種冤枉，香港的文化工業不應如此。
HKTV事件，小弟初初認為梁生好好人，及早為王生止血。
其實有什麼咁重要，需要"保密"！
indy兄早晨，小弟初初看您的blog，覺得您的分析很有理性，值得讚許。後來您的挺梁，小弟唔多認同，小弟主要是看他的面相，直覺很差。中國的玄學直奇妙，事實上，他的表現比我想象中更差。
小弟挺唐，當然面相甚佳，不會是精叻的人，更重要是有原班有實力有經驗的左右手(可惜中央唔會喜歡)。
梁先生最失敗是國教，其實影響最深遠還是樓價狂升。香港住屋的問題，其實比大英帝統治時期改善很多，只不過當時的相金平，要求唔高，政府唔會把住屋問題擴張。
訓棺材房，全民搵地，其實效果是引一班低資產人仕入甕，承接極高的樓價。加上居二免補地價，居二迅速炒上三百多萬。
市場永遠是一班炒家淘金，政府要控制樓價其實很簡單。出"辣招"，政府就是選擇最適當的時機，認為‧‧‧‧‧。
主席讚梁生，x中求變，改善民生。事實是亂中慘變，物價狂升，港人苦不堪言。