泄密才會贏

2013/11/01 18:38:07 網誌分類: 時事
01 Nov

 

 

泄密撩起犯眾憎

既然有着夾生吞

紅門結義如嬉戲

暗裡橫施索命藤

 

講到容易扯火呢家嘢、咱家紫荊人敢稱第二、恐怕冇第二處人敢認第一。呢嗱、遠的不說、就說近的吧!最近某某行企會幕僚隨口噏噏、說甚麼發不發公仔箱牌照乃係由「一籃子因素」來決定之嘛!點知竟然被人理解成由「一男子因素」來決定、結果登時搞到全城扯火、隨即一群又一群“慶合合”的人群蜂湧上街頭發泄心中怒火。有人話呢單嘢純屬誤會、亦有人話另有乾坤。咁、究竟又係點樣嘅呢?

 

今次公仔箱發牌事件越鬧越大、大反派除了搞「撕法覆核」之外、亦有人提議請出大話堂撒手鐧「凸拳法」、迫使督爺交出審批發牌嘅機密文件。不過由於倡議一方在大話堂只屬小數派、故此必須要拉攏部份亂制派人馬倒戈支持才有希望定案。有趣的是、每當督爺到咗周身唔得掂嘅時候、他的幫手之中總有些人表現得刁橋扭擰、並擺出一副唔知企在那一邊才啱嘅模樣出來。問題是、他們點解要咁做呢?據一位資深的過氣尊貴說、是有人在等運到。吓、等運到?對的、的確是等運到。據稱、每當生死存亡之際、對某些人來說那就是謀事嘅最佳時機。意思即是說、之前未能與督爺妥協的事、現在機會來了!以今次事件為例、假如「凸拳法」議案獲得通過的話、幕僚會議的保密制度馬上就要被大話堂閹割、這下子即表示在紫荊城持之以久的行政主導模式被摧毀、大反派成功帶領紫荊城向西方管治模式邁進。試想想、萬歲爺點會容許呢種事情發生?因此督爺必需不惜代價的去確保行政主導完整無缺。此時有心人當然會好好的把握這大好機會、去與督爺磋商磋商一番。

 

呢嗱、講到呢度、相信大家都心中有數、那套所謂「凸拳法」到頭來又是為他人作嫁衣裳而矣!

 

回應 (0)
我要發表
user