Keith Ku
Keith Ku
Keith Ku

馬來西亞之旅 ...續...二......

2007/09/10 05:36:41 網誌分類: 旅遊
10 Sep

 

 

 

承接上一篇, 今日繼續分享吓我喺馬來西亞之行嘅所見所聞和美食......

     

我哋喺酒店嘅早餐...唔算太豐富, 但都幾好味......

 

    

亞熱帶天氣真係變幻無常, 呢一分鐘下着滂沱大雨, 下一分鐘又天朗氣清...終於明白點解D人話人生如天氣......

 

    

    

我哋第三日參加咗個tour去釣魚, 不過唔係出海釣, 而係去位處鹹淡水交界嘅魚場釣...這個魚場建喺河中心, 四面環水, 所以要坐艇先去到, 上圖是幫我哋揸船嘅靚仔船伕同魚場嘅外貌......

 

    

   

    

魚場儼如一座迷你海上城堡, 設施雖然簡陋, 但勝在樣樣都有D---冷氣客房, 食物供應, 釣魚用具, 水上電單車, 狗仔(不過可能狗仔比較惡, 所以要困喺籠裡面...好慘呀...), 當然重有好多魚同龍蝦啦......

 

剛剛認識...同我哋一齊同行...好nice嘅台灣游泳教練和新加坡大老板......

 

十分豐富嘅海鮮餐, 四個人都食唔哂(圖中並不是全部, 還有美味大大隻嘅辣椒蟹未現身)......

 

唉! 又落大雨...最終我哋努力咗兩個鐘都無收穫...食到個肚飽哂但釣唔到魚......

 

     回程途中遇見好惡, 大咗肚嘅貓媽媽......

 

    

下一站諗住去玩GoKart車, 點知去到先知道因落完驚危險所以休息...唉!! 但另一收穫是...居然喺馬來西亞發現綿羊?!

 

    

玩唔到GoKart車, 唯有番酒店游吓水......

 

    

聽朝早就要走嘞....見唔到咁靚嘅天空啦......

 

    

晚上我哋又去咗酒店附近一個市集......

 

    

    

我哋去了一個露天foodcourt食晚飯, 很地道...最特色嘅係居然有一間鋪係專門俾人唱卡啦OK(係好似表現咁, 對住所有人唱), 重要打哂disco燈光, 難得又好多人幫襯佢, 重唱得好鬼投入...表現慾真係強!!

 

     一隻週圍偷食嘅貓貓......

 

         

    

    

呢餐晚飯十分抵食, 叫到滿枱嘢食, 冬蔭公, 炒貴习, 印尼炒飯, 印尼炒麵, 燒雞件, 拉茶...等等, 都你六十蚊唔駛...超抵!!

 

    

因為七點鐘機嘅關係, 所以凌晨三點鐘要check-out出機場...想死

    

    

去到機場, 食早餐...怏餐店居然有搖搖椅坐....勁呀!!

 

     我哋就係搭呢架機走......

 

     起飛喇......

 

     飛機上看日出...晨光第一線.......

 

     好靚嘅雲海.....

      萬呎高空上的彩虹......

 

嚟到呢度, 終於完成今次旅程......開心之餘又肥咗幾磅(餐餐都大魚大肉!)......番到嚟又要努力減肥喇!!

回應 (0)
我要發表
user