湖南有色（2626）東方日報＜擂台躉＞興 叔

花 旗 魚 缸 大 件 事 ， 資 金 避 險 追 捧 黃 金 ， 紐 約 期 金 一 度 升 越 每 安 士 700 美 元 ， 所 以 外 圍 股 市 雖 然 跌 個 人 仰 馬 翻 ， 但 金 屬 股 仲 可 以 諗 諗 。

上 星 期 見 紫 金 礦 業 （ 2899 ） 狂 升 創 新 高 ， 興 叔 認 為 湖 南 有 色 （ 2626 ） 有 條 件 追 落 後 ， 上 周 五 逆 市 升 6% 偷 步 開 車 ， 今 日 此 股 若 隨 大 市 回 落 ， 正 係 買 貨 好 機 會 。

湖 南 有 色 之 前 唔 少 大 行 唱 好 ， 年 中 仲 順 利 批 股 集 資 ， 但 之 前 公 布 中 期 業 績 ， 由 於 部 分 鎢 品 年 中 開 始 提 高 出 口 關 稅 同 調 低 出 口 稅 ， 令 其 毛 利 率 由 16% 急 跌 至 12% ， 能 夠 維 持 盈 利 輕 微 增 長 都 算 係 咁 ， 可 惜 股 價 由 6 元 一 值 插 水 ， 至 4 元 邊 靠 穩 反 彈 。

湖 南 有 色 調 整 至 現 水 平 ， 已 開 始 變 得 吸 引 ， 尤 其 係 母 公 司 有 色 集 團 於 七 月 中 宣 布 收 購 湖 南 水 口 山 集 團 權 益 ， 後 者 係 一 間 從 事 開 採 及 冶 煉 有 色 金 屬 的 大 型 企 業 ， 同 湖 南 有 色 存 在 業 務 競 爭 。

湖 南 有 色 招 股 時 講 明 同 母 公 司 會 盡 量 配 合 ， 唔 存 在 競 爭 。 之 前 有 通 告 話 兩 母 子 目 前 正 洽 商 解 決 方 案 ， 估 計 向 母 公 司 收 購 埋 呢 間 公 司 ， 反 正 批 股 集 資 除 用 作 重 新 開 發 澳 洲 皇 島 白 鎢 礦 ， 仲 有 空 間 留 作 其 他 潛 力 收 購 項 目 ， 第 四 季 落 實 注 資 機 會 好 大 ， 可 逢 低 吸 納 。

興 叔