「付出」與「收入」不相稱

無線啱啱播完套「巨輪」，平心而論，呢套劇較之前果幾套算係好少少啦！不過，響未入正題前，都要講一句：「無線啲編劇真係當觀係白痴架！」

你睇吓結局果兩小時：

陳展鵬在獄中同出獄之後，一直唔肯見屋企人同朋友----咁即係話佢仍然認為自己冇錯啦!忽然嚟個180度轉變，做左警方線人。警察做臥底都吾可以隨便殺人，佢祇係線人，為左取得黑社會大佬嘅信任通度劈友，死傷無數，結果不單冇事，法官差不多要頒個好市民獎俾佢咁滯。咁天馬行空-----係编劇白痴、抑或編劇當觀眾白痴？

點解講「巨輪」?因為近排出街成日聽見人講(梗係未知結局啦):阿英為左阿信咁仆心仆命，如果阿信最终吾娶佢，就真係吾扺!

心諗:儍嘅!呢個世界边有話你付出左，一定有回報架？愛情如是、友情如是、親情更如是-----男女關係有如政治角力，不過輸嘅一方，有權吾玩揾过第二個對手，當然呢個時候敗方經已片體鱗傷;朋友簡單D，淨係識得搵你笨、吾值得交既一於大刀闊斧斬纜啦；最麻煩係親情，人生下來經已注定左邊D人係你嘅親友----你冇得揀，祇能認命!呢三種情都一樣，吾好以為你付出多D，便一定可以修成正果。

又講番「巨輪」鍾嘉欣個角色吖(如果冇睇幫你唔倒)，一個永遠受保護嘅千金小姐，講就講得好聽---要自力更生、自己創業，但係開鋪嘅錢、有咩嘢攪唔掂都要搵個男友俾錢攪掂(所以做佢男友咪好唔掂囉！不過，呢個世界犯賤嘅男人大把)！咁樣叫做自力更生咩？佢咩嘢都冇付出過，陳展鵬為佢仆心仆命；佢咩嘢都冇做過，蕭正楠見佢一面經已視之為追求目標(後期知道佢係大佬嘅女朋友，一樣當佢係寶)。所以，呢個角色唔駛任何付出，都一樣有豐厚收入。

阿英呢個人物算好命架啦！雖然浪費左十年時間響蕭正楠身上，但係好彩終於醒覺，亦修成正果，嫁倒個好丈夫！

有啲人一世都祇做付出果個，講收入？永遠冇佢份！