陸羽仁
陸羽仁
陸羽仁

無事就升

2013/11/07 09:40:28 網誌分類: 經濟
07 Nov

        美股處於牛市創高階段,無壞消息就升,杜指昨日大升129點,收15747點,創歷史盤中及收市新高。標普500指數漲8點至1770點;網絡股在Twitter上市前夕回軟,納指逆市跌8點,造3932點。

 

        Charles Schwab的高頻交易及衍生工具部執行董事 Randy Frederick話,在牛市中這樣情況好正常,只要無壞消息,大市就向上。但杜指只是無壞消就升100點以上有少少過多,可能周四會套利回調。

 

        聯儲局官員的發言對大市亦有鼓勵作用。繼波士頓聯儲主席Eric Rosengren週二表示認為美國經濟增長仍然令人失望,未到決定減少買債的規模的時候,之後又補充,聯儲局的低利率會持續「相當長時間」,可能會持續到2016年。

 

        昨日,聯儲局兩名官員又分別發報告力撐當局需要繼續維持寬鬆的貨幣政策以支持美國經濟增長。聯儲局貨幣事務部門主管英格利什(William English)表示,支持聯儲局在失業率高於6.5%時維持低利率的策略,並且認為降低失業率門檻則更加有益。而威爾考克斯(David Wilcox) 則認為,鑒於美國經濟疲軟,應該實行「高度融通性的貨幣政策」。睇嚟聯儲局認為債息太高,要吹吹長期低息之風,壓低一下市場利率。

 

        高盛集團首席經濟學家哈祖斯(Jan Hatzius) 認為,從英格利什及威爾考克斯的言論,得出聯儲局有很大可能降低加息的失業率門檻。由失業率低過6.5%才加息,降低至6%,至於「退市」的意向不會改變。不過不會提早至今年12月,而會褪到明年三月。

 

        哈祖斯解釋,聯儲局在議息會議聲明中,對於美國房地産市場的評估較為負面。事實上,昨日出爐的最近周抵押貸款申請活動指數大幅走低,創了9月中以來的最低水平,抵押貸款申請活動指數大跌7%449.6,上一周係483.7;抵押貸款再融資活動指數下跌7.9%2036,前值2211。民眾的購房意欲跌至今年新低,房市之所以唔掂,主要原因係息率上升。

 

        據此前的經驗,聯儲局只係提出可能今年年底退市,美國10年期債息就猛升,同時推動按揭利率急升。聯儲局官員呢排不斷出口術,話要降低加息的門檻,目的明顯係希望向市場(尤其係債卷市場)能夠將退市及加息分開睇。聯儲局會退市,但同時希望維持低利率至經濟真正復甦,加息時間可能延後至2016年。睇大市反應,聯儲局的苦心,個確有些回報。股市恐懼指標VIX指數降至12點水平,杜指再重上歷史新高。

 

        另外, Markit週三發佈一系列歐元區PMI資料,顯示儘管歐元區10月綜合CPI終值較上月52.2的高點有所回落,但仍然高於初值的51.5,且好過預期。反映經濟活動的放緩程度較預期的細。歐洲今日議息,有消息指歐央行不希望「針對短期內數值做出匆忙的決定或採取行動,同時認為美聯儲宣佈何時縮減QE的計劃為時過早。估計歐央行仍會維持寬鬆的貨幣政策不變。歐洲股市造好,法國及德國股市分別升0.8%0.4%,為美股的升勢,提供了一些助力。

 

        至於港股,就真係要睇周末開始的十八屆三中全會啦。

 

陸羽仁

 

 

回應 (38)
我要發表
吾識炒
吾識炒 2013/11/08 11:58:53 回覆

陸sir, 我尋日發現左隻美股ETF: DUST, 係沽黃金的ETF, 好似好有趣, 咁以後如果真係要put金, 可以買佢就ok? 這些ETF有咩風險要特別留意? 買咗唔賣會有時間消耗嗎?

依家控股
依家控股 2013/11/08 11:37:13 回覆

陸sir, 在下覺得美股似香港樓市,錢太多冇野買就唯有買股,結果美股係咁升,如果唔收水,出年年底杜指17000點應該冇難度

唔好講科網,就算好多藍籌工業股都廿倍pe, 業績跟本就跟唔上,如果杜指真係17000點,而聯儲又唔收水,在下估計萬一有一間企業出事就大爆,到時聯儲又比人指住黎鬧,都唔知再大放水好,定收水好啦

牆頭草
牆頭草 2013/11/08 10:37:34 回覆

陸 sir,

今次科網熱多數係有盈利的支持, 如谷歌, FB ...等.  同13年前有分別.

不過twitter及一些中資 IPO 咁升法就有泡, 我估現在多了強國人資金炒.

AND ...  135 加得注未 ?

 

勝不驕
勝不驕 2013/11/08 10:09:07 回覆

工行是否現在可以買入?還是等三中後才買?應左那一個位買?5。17?謝陸sir

Andy188
Andy188 2013/11/08 09:22:47 回覆

大家早! 本來預算今天會順勢把22500回收的牛也清場...., 但開市只跌12X點, 跌勢又唔算急喎。

 

子龍 (kaka就是大叔的契哥)
子龍 (kaka就是大叔的契哥) 2013/11/08 09:21:08 回覆

老美又插...... {#icons_dog10}

TC (投知) [信自己]
TC (投知) [信自己] 2013/11/08 09:14:35 回覆

{#iconb_62}

一草一木
一草一木 2013/11/08 07:50:33 回覆

Kathleen姐

早啊,沒有啊.連陸老師建議的昆人都錯過了地位入貨.現在又擔心高位摸貨.你呢?

 

kathleen
kathleen 2013/11/08 06:19:08 回覆

一草一木:佢話系統繁忙。你最近有無買股?

kathleen
kathleen 2013/11/08 06:15:40 回覆

2013-11-07

Dow Jones Industrial Average (^DJI)

15,593.98  Down 152.90(0.97%) 4:35PM EST

Prev Close:15,746.88
Open:15,751.31
Day's Range:15,586.33 -15,797.68
52wk Range:12,471.50 -15,797.68

 

道瓊斯工業平均指數 (^DJI)

 

animal666
animal666 2013/11/08 05:05:05 回覆

三中敏感症
2013年11月08日

  美股再創新高,但港股依然無運行,而且早段仲跌得幾急,弱勢都可以話相當明顯。港股咁差主要係受金融股拖累,其他類別反而只係上上落落。

  金融股差有兩個原因,本地銀行股回軟,主要係受匯控拖累;另外中資金融股再度成為拉低大市的元兇,結果兩地金融股幾乎全軍覆沒。

  美股升、港股跌,散戶難免再度失望。杜指前晚再創新高,點知恒指仍低開,早段在兩萬三爭持,隨後沽壓突增,港股跌幅擴大至217點,當時氣氛幾差吓,好彩22800暫見支持,大市跌勢放緩,恒指收報22881,跌155點;國企指數收報10474,跌87點或0.83%。

  匯控跌得合理

  匯控(005) 股價及相關新聞 唔靚仔,市場解釋係涉及違反歐盟反壟斷規定,可能被歐盟罰款高達495億元的消息逐漸發酵,上日股價還頂得住,昨日終於回軟,跌超過1%至85元水平。恒生(011) 股價及相關新聞 及渣打(2888) 股價及相關新聞 同跌約1%。

  不過,陸羽仁係大笨象宣佈業績之日已經講過,美國銀行股去年表現標青,今年顯然高峰已高,炒極都炒唔起,主要係大氣候未有改善,美國銀行業息差仍然偏低,影響邊際利潤,銀行已經變成落後股份,華爾街創新高,全都係靠其他類別股份撐起。匯控早兩日公佈業績麻麻,但股份夾硬炒上,無地球係有地心吸力者,業績麻麻的股份,係好難勉強升上去,昨日回調只係合理反應而已。

  中資金融股下跌,陸羽仁認為可以用三中敏感症去形容。內地媒體報道,10月份國有四大行新增貸款投放量只有約1820億元人民幣,較去年同期減少近400億元,創了年內單月新低。業內人士估計,10月內地金融機構整體信貸投放預期約在5000億元至6000億元人仔之間,即係話市場相信內銀下跌,係同貸款增長疲弱有關。

  分析指新增貸款放緩原因,除了季節性因素影響以外,係與四季度貸款額度相對緊張有關。至於存款方面,全個行業存款增約2,800億元,而四大行眾存款仍然出現負增長9700億元。但負增長幅度有所放緩,較去年同期少降500億元。導致存款流失的主要原因係季初存款回流理財及非銀行同業。四大行生意上個月做少咗,自然就挨沽。工行(1398) 股價及相關新聞 、建行(939) 股價及相關新聞 、中行(3988) 股價及相關新聞 及農行(1288) 股價及相關新聞 齊跌約1%。

  內銀變孱仔弱不禁風

  陸羽仁睇法係,貸款增長一個消息可以推低內銀股,反映呢個板塊體質虛弱,變成弱不禁風,一有異動就即係碌低。點解內銀股會咁孱呢?主要係市場傳仲有兩日就召開的三中全會,會大力進行改革,下放企業權力,加強市場機制,屆時利率可能迅速自由化,令國企好快面對民營銀行競爭,以及面對息差大減,由於大家預期市場環境大變,個個一有小小負面消息,就即係掟貨,使到內銀成為孱仔股。

  按正路波講,中央就算要加強競爭,都會採取循序漸進方式,不想一下子搞死國企銀行股,須知內銀家家都係巨無霸,控制住數以十萬億元計存款同資產,若然佢哋出事,肯定對經濟帶來好大衝擊,中央不會不知道相關影響,任由一開閘就撞死幾家大銀行。不過,由於市場氣氛係咁,個個寧願先靠邊站,變成一有人沽貨,就因為承接力薄弱下跌。通常呢種情況要等到出現大超賣,就可能趁消息無想像咁差時來個反彈。

  陸羽仁

 

一草一木
一草一木 2013/11/08 01:41:59 回覆

"我好辛苦至入到嚟啊!"

 

Kathleen姐,為甚麼?今天很少留言,是系統有問題嗎?

animal666
animal666 2013/11/07 22:46:32 回覆

{#icons_dog5}

 

幪面馬仔
幪面馬仔 2013/11/07 22:39:13 回覆

減息。。。。咁動物兄明天吾駛喊啦!sign

子龍 (kaka就是大叔的契哥)
子龍 (kaka就是大叔的契哥) 2013/11/07 22:12:53 回覆

減息...... {#iconb_374}

大笨袋鼠
大笨袋鼠 2013/11/07 22:11:20 回覆

美國其實一早行緊金權政治。

但美國歷屆總統都唔係無對付過財閥嘅,袋鼠暫時記得起嘅係老羅斯福,將當時壟斷石油業、落克菲特擁有的標準石油,以反壟斷法(anti-trust)同佢一間拆七間;另外,大慨同一時期,華爾街教父JP摩根,佢嘅公司都分拆成幾間… 所以而家有幾間投行都有摩根個名。

不過反壟斷唔同鬥地主,佢只係要除去壟斷能力,但沒有剝奪財富。

聽過一個歷史分析,認為這時期的反壟斷,是造就二十世紀美國堀起的其中一個重要時刻。袋鼠覺得有點道理,但是否權威及沒有誤差,那就沒有去深究。

而家唔似可以選一個美國總統,可以有咁嘅強勢、膽量和魄力,去應付財閥集團。因為今時今日去競選總統使唔少錢嘅…

袋鼠睇聯儲局,唔睇得咁深入嘞,總之佢而家買國債印鈔,印鈔時鈔票就交咗俾一個叫做美國政府呢個債仔,而債息收入及發還本金,最終又係交俾一個叫做美國政府呢個老細。

藍風
藍風 2013/11/07 22:06:09 回覆

怪唔之得黃金突然之間急插。 

依家控股
依家控股 2013/11/07 21:54:19 回覆

歐洲竟然減息 {#icons_boy6}

大笨袋鼠
大笨袋鼠 2013/11/07 21:14:35 回覆

袋鼠財經報的控股公司Fairfax,今日開年度股東大會。大慨袋鼠成日媽义的那個臭婆娘,忙於同自己仔女爭產⌂,無能力辣著多個火頭而投棄權票(但亦可能已經有幾個右翼專欄入咗報紙作為妥協),加上有投票的都有97%支持薪酬評審,今日股東大會避免了「strike2」迫使董事局解散重選的威脅⌂,因而現屆董事局所堅持的報紙編輯獨立自主暫時得以保存。

袋鼠好鍾意睇呢份報紙,雖然未致於好似揸「哈利」電單車之輩,會將其商標紋在皮膚上⌂,但在報業一紙風行的年代,袋鼠曾經希望在股市掘金,夢想有朝到達臨屆退休之年,可以做這份報紙的5%股東 - 也許紋身是揸哈利電單車的文化,但買股票做股東才是睇財經報章的王道。只不過就算而家股價低迷,袋鼠都係有排發緊夢…可能係永遠…

只不過袋鼠點都買了一些Fairfax股票,投資組合比例上甚少,但也不是一個少的金額,這兩年來中期上落30%等閒事,為的只是買個權投少少支持票,支持現屆董事局開報社的宗旨⌂,而且呢幾年佢點都繼續派到一個仙股息,袋鼠亦相信佢啲媒體(包括互聯網媒體)都仲值錢。夢就繼續發,唔發夢時做佢散戶小股東都好…

在香港,魔童主事公司嘅股票,應該唔似係等閒之散戶去接觸,但支持佢去攞牌開電視台的香港人心情,就算唔買佢股票(更加無人會去紋身啩?!另外,重有無人記得DAB嘅100蚊廣告?)唔知係咪同袋鼠睇財經報嘅心情一樣呢?

大戶終結者 ( 等人齊 )
大戶終結者 ( 等人齊 ) 2013/11/07 19:35:22 回覆

真係主席回歸!    {#iconb_245}

幪面馬仔
幪面馬仔 2013/11/07 18:21:39 回覆

{#iconb_289}

依家控股
依家控股 2013/11/07 18:02:50 回覆

KFC兄,周顯既暗示非常明顯,不過在下又真係相信美國政府背後有個有錢人俱樂部,可以大力干預美國政策

其實度度都係有錢有權既人去管治平民,分別只係果d有錢人貪完漏返少少比平民,比返正常生存空間同資源d平民百姓,定還是有權勢既人貪到盡,普通人冇得食冇得住又冇自由

遍遍中國人就係最鍾意貪到最盡,仲要殺雞取卵,唉……DNA

子龍 (kaka就是大叔的契哥)
子龍 (kaka就是大叔的契哥) 2013/11/07 17:45:30 回覆

老美升, 港股插, 老美插, 港股大插. 雙頂問你怕未???

依家控股
依家控股 2013/11/07 17:31:11 回覆

陸sir, 多謝意見,等在下都追返果兩套美劇睇下先

Andy188
Andy188 2013/11/07 17:29:16 回覆

好奇怪,十三大未開,呢幾日A股像提早散水,陰陰地跌....美股新高港股完全無反應,看來十三大期間未必一定係好環境。

子龍 (kaka就是大叔的契哥)
子龍 (kaka就是大叔的契哥) 2013/11/07 17:28:48 回覆

老美破頂, 港股都要插

主席大人要大市升就升,跌就跌.... {#iconb_316}

TC (投知) [信自己]
TC (投知) [信自己] 2013/11/07 15:31:34 回覆

好靜呀.........

kathleen
kathleen 2013/11/07 14:26:55 回覆

sir & 各位:午安! {#icono_3}

一草一木:我好辛苦至入到嚟啊! {#icono_41}

sam2099.....『物極必反』
sam2099.....『物極必反』 2013/11/07 13:42:33 回覆

戰友們.......good day。

{#icono0_60}

     {#icono_64} {#icono_64}...... {#icono_72} {#icono_72}

依家控股
依家控股 2013/11/07 13:06:54 回覆

人仔兄,今朝個網down左嘛

人仔(重生)
人仔(重生) 2013/11/07 12:47:21 回覆

這是甚麽年代,一早只有七個回應。

這是甚麽年代,連動物兄都不再哭。

這是甚麽年代,大人都失踪了。

大市還是走陰跌的年代。 {#icons_dog6}

TC (投知) [信自己]
TC (投知) [信自己] 2013/11/07 12:00:08 回覆

大戶好勁

老美升港股跌..............好明顯係人為操控......

fly仔
fly仔 2013/11/07 11:56:01 回覆

陸SIR早, 大家好~

綠八狗無恥 {#iconb_627}

pplo (笨笨)法號緣仁
pplo (笨笨)法號緣仁 2013/11/07 10:02:09 回覆

早晨:陸 sir 及各位師兄姊

TC (投知) [信自己]
TC (投知) [信自己] 2013/11/07 09:48:16 回覆

{#iconb_62}

一草一木
一草一木 2013/11/07 09:44:18 回覆

早過kathleen姐.

 KFC
KFC 2013/11/07 09:42:38 回覆

Good morning.

肥奧
肥奧 2013/11/07 09:41:24 回覆

陸sir &師兄姐早晨~!!!

user

最新回應

子龍 (kaka就是大叔的契哥)

kaka: 噢.....要留意收市位.... {#iconb_62}

kaka422617
kaka422617 2019/11/21

將軍,今日成交多左好多,咁快有三百億 {#icons_dog5}

kaka422617
kaka422617 2019/11/21
子龍 (kaka就是大叔的契哥)

后抽吧......... {#iconb_62}