袋鼠在咖啡室的老朋友 Fairfax

2013/11/08 00:46:13 網誌分類: 未分類
08 Nov

袋鼠財經報的控股公司Fairfax,今日開年度股東大會。大慨袋鼠成日媽义的那個臭婆娘,忙於同自己仔女爭產⌂,無能力辣著多個火頭而投棄權票(但亦可能已經有幾個右翼專欄入咗報紙作為妥協),加上有投票的都有97%支持薪酬評審,今日股東大會避免了「strike2」迫使董事局解散重選的威脅⌂,因而現屆董事局所堅持的報紙編輯獨立自主暫時得以保存。

袋鼠好鍾意睇呢份報紙,雖然未致於好似揸「哈利」電單車之輩,會將其商標紋在皮膚上⌂,但在報業一紙風行的年代,袋鼠曾經希望在股市掘金,夢想有朝到達臨屆退休之年,可以做這份報紙的5%股東 - 也許紋身是揸哈利電單車的文化,但買股票做股東才是睇財經報章的王道。只不過就算而家股價低迷,袋鼠都係有排發緊夢…可能係永遠…

只不過袋鼠點都買了一些Fairfax股票,投資組合比例上甚少,但也不是一個少的金額,這兩年來中期上落30%等閒事,為的只是買個權投少少支持票,支持現屆董事局開報社的宗旨⌂,而且呢幾年佢點都繼續派到一個仙股息,袋鼠亦相信佢啲媒體(包括互聯網媒體)都仲值錢。夢就繼續發,唔發夢時做佢散戶小股東都好…

在香港,魔童主事公司嘅股票,應該唔似係等閒之散戶去接觸,但支持佢去攞牌開電視台的香港人心情,就算唔買佢股票(更加無人會去紋身啩?!另外,重有無人記得DAB嘅100蚊廣告?)唔知係咪同袋鼠睇財經報嘅心情一樣呢?

*******************************************************

原文在陸羽仁網誌中作為留言;袋鼠太耐無發表網誌了,而這一件事也是袋鼠關注了很久,想留下一個清楚的印記,將之作為網文發表啦! 發表網誌要加標題,於是聯想起袋鼠花了不少咖啡室午餐時段,一邊午膳,一邊閱讀袋鼠財經報(後來加多一部用第一代Mac AIR上網),那份報紙算是袋鼠的老朋友吧。

回應 (0)
我要發表
user