陸羽仁
陸羽仁
陸羽仁

情緒事件

2013/11/08 09:43:57 網誌分類: 經濟
08 Nov

Twitter新上市炒翻天大升73%,但美股卻大插水。美股昨日先高後低,杜指朝早創歷史新高(15798點)後,節節下挫,收市倒跌153點至15594點。標普500指數跌23點至1747點。跌得最勁的是納指,大跌1.9%,其中蘋果跌1.6%Facebook及亞馬遜大跌超過3%;中國概念科技股更出現恐慌性拋售,霍特中概股指數跌幅超3%,奇虎3607.6%。中概股太陽能板塊跌幅仲大,其中尚德電力(STP)跌超過30%!難道泡沫開始破裂?

 

邊廂Facebook及亞馬遜大跌,那邊廂科網新股Twitter就炒翻天,佢昨日上市掛牌,定價加完又加,加到每股26美元,開市即抽上45美元之後橫行,走勢凌勵。收市只係輕微回順至44.9美元,較定價高出73%

 

大市受經濟數據影響,盡管消費和企業開支的增長放緩,美國經濟的底氣依然不足,但出人意表地3季度GDP增速提升至2.8%,大大超過市場預期的2%。另外,美國最近一周首次申領失業金人數較上周降9000人至33.6萬,略高於市場預期的33.5萬。美國第三季經濟有高過預期增長,但基本面仍然疲弱,有解釋GDP之所以意外地標高,主要原因係企業重新充實庫存所致。美國今日將公布10非農就業報告,如果數字唔係好靚仔(估計都唔會),就解釋了聯儲局點解遲遲都唔敢啟動退市機制。

 

再睇埋歐洲央行突然把融資利率降低0.25個百分點至0.25%,反映歐元區領導人亦睇唔好未來全球經濟環境。分析界普遍認為聯儲局最快都要明年初才可能決定採取退市行動。

 

不過,投資者就有理無理,見經濟數據好過期,就驚聯儲局會提早退市,對股市前景大為恐懼,股市恐懼指標VIX指數抽高近8%14點邊緣的近期高位。

 

近期藍籌股、「明星股」,即使業績好過預期,投資者都唔多感興趣,皆因資金蜂擁入炒新股行列。10月美股有33隻新股上市,抽走了120億美元。今個月第一個星期,已超過10隻新股上市,但係Twitter上市已經搶了超過31億美元。

 

現在的科網熱好有2000年科網科爆破前夕的味道。不過有分析指出,整體爆煲的機會仲未係好大,1999年及2000年,中型的新股定價一般都高過去年銷售的25倍,營業額亦少過5千萬美元,而近年,屬這類型公司,少過四成。而隨著網科市場不斷成熟,好多公司已經實質生意,有盈利,唔係得個概念。當中的新股亦不乏有盈利前景的好公司,只係在瘋狂搶購下,上市當日的股價已經反映了全年的盈利增長。

 

令人憂慮的情況係,投資者現時搶購新股,其實無理間公司究竟有冇盈利。例如Twitter,如果認真計數,睇盈利買Twitter就係一個絕對差的投資,Twitter定價26美元,市值18.2億美元,已經遠遠超過Macy(市值13.3億美元)、Harley Davidson(市值14.3億美元),問題係,這些老牌公司都賺緊錢,而Twitter到目前連一分錢都賺唔到,今年上半年仲蝕緊接近7千萬美元,估計要到2015年至可能賺到錢。唔買TwitterGoogle或微軟穩陣少少。

 

ZT Wealth的首席經濟師Max WolffTwitter上市係情緒事件(emotional event),唔係基本因素事件(fundamental event),不能比較。總之有Fans,股價就有得升。問題在於你信唔信?如果有Fans就得,Facebook有超過Twitter5倍的會員,上季仲大賺特賺,點解投資者唔買Facebook?走去炒Twitter?答案係一個炒字,新股無蟹貨嘛。科網泡沫已現,未爆,只是未夠顛而矣。

 

陸羽仁

回應 (78)
我要發表
2013/11/11 13:37:03 回覆

KYM,

正苦做兼職係可以申請,申請咗就應該冇事,不過批唔批係另一回事,我都識d人有做兼職既,我諗只要冇利益衝突應該唔難

不過你份工有冇得升?有得升就唔係十五萬一年,不過升唔升到又係另計。

仲有,入咗正苦過咗試用期(三年)再轉其他職位唔駛再過三年試用期。所以可以入咗正苦先,過三年後(三年後應該未到頂薪)再繼續申請其他職位,當升職囉

正苦有另一個小bonus 既,就係過咗試用期就會有公積金,政府每月額外供多10%強積金俾你,但如果辭職要做夠十年先拎得

扮豬

 

2013/11/11 11:05:20 回覆

GARY: 到啦... 今日下晝3-6派, 好緊張呀... {#icons_dog1}

2013/11/11 10:33:47 回覆

KYM: 無記錯你年紀應該唔大, 三十左右吧, 要搏就緊係趁依家啦, 一個月搵多幾十%喎... 如果你搵開幾十萬一個月, 一個月多幾萬無咩分別, 但依家係皮幾, 同兩皮, 重要花紅呢, 差好遠, 另外怕老左無野撈, 你依家可以進修下, 升倒上去咪唔怕囉...

另外, 個人覺得自從無左長捧後, 政府長工, 尤其係基層, 已經無咁so... 如果要秘撈先可以搵多啲, 又要承擔被揭發既風險... 諗真啲好...

至於同你太太既落差問題... 係咁架啦, 日後當小朋友返學, 佢識多啲人, 到時要比黎比去, 可能會越使越大, 你要有心理準備... 另外, 睇你年紀輕輕, 人工又唔高, 可以有兩球係手, 就知你係非常慳既人... 咁既話你地既矛盾會越黎越大... 無咩特別方法架啦, 大家傾吓, o曹吓, 希望佢可以控制下, 你就接受可以大使啲,慢慢攞個平衡啦... 為左小朋友,得既... 另外, 既然你太太大使, 咁你講明, 你唔祈望佢可以儲倒錢, 俾得佢既佢可以使晒佢... 咁你自己就負責儲啦... 以前一個使, 依家三個人使, 唔好成日諗住以前可以儲幾多,幾多, 重之依家儲得一蚊得一蚊啦.

總之老夫老妻都會有矛盾, 何況係新婚, 重咁快有個b, 係手忙腳亂啲架啦. 係好多地方唔協調好正常, 可惜依啲野又無得好快搞掂, 重之記得當o曹得太勁時, 就落街行下, 舒舒氣, 吹走啲負面情緒, 上番黎又係一條好漢...

2013/11/11 10:29:17 回覆

SIR你好!

 

本人心中有幾隻股票, 想中短線持有. 10%~20%回報.

分別是3333恒大, 1898中煤能源, 3800保利. 以往冬季是炒煤股的時段, 所以本人向買中煤. 但看圖表走勢好像一浪低於一浪, 這是否值搏(本想設4.6買入)? 可否給一些意有關這三隻股票?

 

請指敎!

謝謝

2013/11/11 10:08:32 回覆

Kym兄你好,你說的政府工其實是合約制吧!很可能是短期合約,所以加薪,升職,能否秘撈等,全部按合約條文為準。

最大問題是一旦合約期滿,政府到時是否會續約也是一個疑問?

所以我覺得所謂政府工並不是很穩定,加上只是月薪一萬,現在隨便做一份sales也有這份人工吧!

如果我是你,我會找一份人工較高也沒有這麼辛苦的工作。聽說在醫院做護理,物理治療的也有皮幾一個月,可以打聽一下入行門檻。

職業無分貴賤,做地盤我覺得沒有問題,我也做過超市的兼職理貨員,也是體力勞動的工作呢!

至於太太沒有工作,是否不懂廣東話,或者是融合唔到香港社會,定係本質係懶?無論如何,如果她不願意工作,你在埋怨也不是辦法,鬼叫你是男人,擔起頭家也是很正常吧!

animal666
animal666 2013/11/11 05:05:13 回覆

內房死唔去
2013年11月11日

  上周末美國和中國都有重要數據公佈,觸動市場。最激的要數美國就業數據,美國勞工部上周五公佈10月份非農業就業數據,市場原本認為10月有一段時間美國政府關門,非農數據好極有限,經濟學家共識係增加12萬個職位左右,點知最後公佈,10月非農職位增加20.4萬個,遠比經濟學家預期為高,政府關門好像對就業職位毫無影響。

  另外報告亦向上修正8、9兩個月非農就業人數,意味美國經濟狀況的實際表現,可能比表面上更強勁。其中9月份的新增非農就業職位向上修正至16.3萬個,本來早前公市的初值為14.8萬個;8月份的非農就業職位亦向上修正至23.8萬個,初值為19.3萬個。

  市場一直認為,非農就業職位增加20萬個以上時,聯儲局就會收水,依家8月增加23.8萬個,9月增加16.3萬個,10月增加20.4萬個,咁睇美國就就業數據都好接近收水的水平喎。

  就業好 杜指升167點

  當日美債利息在消息公佈後急升,市場原預計美國聯儲局在明年3至6月才開始收水,但一見這麼靚的就業數據,就怕聯儲局提早收水,美股早段有少少被嚇親,升勢受阻,但後段市場情緒穩定下來,反而覺得就業好代表經濟比預期好,其實係好消息,尾段愈升愈有,最後杜指升咗167點。美國聯儲局收唔收水的消息,有時搞到人頭都暈。

  中國數據無咁精采,中國海關總署上周五公佈,10月出口按年反彈5.6%至1,854億美元,遠高於市場預測的增長3.2%,進口則按年升7.6%至1,543億美元,略高於9月的增長7.4%,但低過預期的8.5%。雖然出口按年升5.6%唔係咁勁,但總算好過預期。出口敏感股利豐(494) 股價及相關新聞 上周五收市報10.64元,微跌0.4%,略少於大市當日0.6%跌幅,美國其後公佈超強的非農業就業數字,估計對利豐今天股價有所刺激。

  另外中國國家統計局發佈數據,內地10月全國居民消費價格總水平(CPI)按年上漲3.2%,創下8月新高,但比預期低少少。通脹上升主要受食品價格上漲6.5%帶動,非食品價格只是上漲1.6%。

  另外中國10月生產物價指數(PPI)同去年同期相比下降1.5%,預期為降1.4%,跌幅比預期略多,但10月PPI和9月比較則持平。數據顯示PPI依然較疲軟,顯示實體經濟復甦不如預期,儘管CPI增幅略較預期弱,但數字仍高。加上時近年尾銀根偏緊,每個月月底拆息都升,通脹向上令阿爺更唔敢放水。

  通脹升 阿爺水難鬆

  但內地樓市數字強勁,中國國家統計局公佈,今年1月至10月商品房銷售面積9.59億平方米,按年增長21.8%,但增長較1月至9月回落1.5個百分點;其中,住宅銷售面積增長22.3%,辦公樓銷售面積增長30.6%。

  若以價錢計,商品房銷售額6.12萬億元人民幣,按年增長32.3%,增長較1月至9月回落1.6個百分點;其中,住宅銷售額增長32.6%;辦公樓銷售額增長42.5%。總的來說,今年內地樓市都好好,量價齊升,特別係下半年升勢加快,不過10月開始慢番少少。

  上海加首期壓樓價

  樓市好,發展商亦加快投資起樓。國家統計局公佈,今年1月至10月全國房地產開發投資6.87萬億元(人民幣,下同),按年增長19.2%,增長較1月至9月回落0.5個百分點。其中,住宅投資4.72萬億元,增長18.9%,增速回落0.6個百分點,佔房地產開發投資的比重為68.7%。

  樓價升,自然又惹起阿爺注意,要出招降溫。繼深圳後,上海宣佈買第二套房首期由60%增至70%等調控措施(即係銀行只借30%),試圖壓抑當地樓市的升勢。

  上海控樓價唔止出一招,出咗幾招,除了買第二套房要畀70%首期外,又加強限購令,由過去外地人若想在上海買樓要在當地交社保或交稅一年以上,改為兩年以上,令更少外地人符合買樓資格。

  此外又更明確地方政府有責任管制樓價,要求落實各區縣房價調控目標責任制,各區縣、有關部門要按照今年初明確的房價調控目標積極採取措施,嚴格推行商品住房預銷售管理。

  呢啲都係實質措施,但發展商都有好多方法繞過佢。例如政府控制價格,即係話樓價超外某一水平,就唔批准發展商賣樓,但發展商最通常的做法係將樓價降低,然後加一筆精裝修費用,瞞天過海。所以國家統計局有關樓價上升的數字,都好可能被低估。

  上海出招的消息,令內房股在上周五下跌,如華潤置地(1109) 股價及相關新聞 、中國海外(688) 股價及相關新聞 、碧桂園(2007) 股價及相關新聞 等都下跌,但問題係阿爺會唔會打死樓市呢?

  依家開緊三中全會,重點係下放政府權力,加大市場的份額。對於樓市,政府唔能夠唔干預,聞說習主席的態度是商品房價錢由市場管,但政府要大力發展保障房,特別是廉租房,以保障低收入人民的住屋,無明令話要大力插低商品房的價錢。

  碧桂園賣樓勁可低吸

  內地經濟增長放慢,依家要大力改革推動經濟,但改革是長遠措施,短期都唔可以令經濟跌得太快。樓市和汽車是內需經濟兩大支柱,樓市死咗經濟亦無運行,所以阿爺雖然好唔想樓價升得太快,但又唔可以再出辣招馬上打死樓市。

  所以我覺得內房股最好跌多啲,等佢跌深啲就可以吸納。巨股如中國海外,今年都係橫行,主要在20元至25元中間走動,呢幾個月在22.5元至25元中間走,現價23元,市盈率10倍,若等佢回到22.5元買,等幾個月有機會執10%。

  另一隻恒大(3333) 股價及相關新聞 ,今年唔係橫行就係下潛,現價3.14元,市盈率低到4.1倍。不過股價低總有理由,佢隊足球隊剛剛攞亞冠杯冠軍,唔知市場係怕佢花太多錢搞波,還是怕佢盤數有事(佢舊年被香椽狙擊過),股價平但有風險。

  走勢較好的是碧桂園,今年反覆向上,現價5.31元,市盈率11.2倍,佢今年賣樓好好,廣東十里銀灘和青島十里金灘都大賣,呢啲盤都唔係在市區,地皮平,賣得好賺價多。

  估佢今年簽約賣樓會首次過千億。恒大、碧桂園、中海外今年都有機賣樓過千億,但市場幾睇好碧桂園,上月佢在5元至5.7元中間走,若再有啲宏觀壞消息出來,等佢回到5元買,都有一定值博率。

  陸羽仁

 

2013/11/10 22:42:50 回覆

KYM

唔好怪我多事, 打工要看長遠, 您而家後生就話姐, 到您老咗, 如果身體唔好, 想轉行就好難, 政府工雖然人工低, 但穩定, 真係唔夠使, 可以做 Part Time 或鑽研投資. 

2013/11/10 21:58:10 回覆

震嬰不是奸, 是狼, 狼子野心, 行為狼死的狼~~

2013/11/10 21:13:59 回覆

袋鼠,

完全同意現在香港係道懲罰節儉有儲蓄的人, 錢唔值錢銀子大幅貶值, 銀行零息, 儲蓄的人被雙重懲罰, 美國佬是原凶, 香港政府的聯匯是幫凶.

 

2013/11/10 19:34:58 回覆

大家好, 早排公司工作忙, 市好像不知買什麼, 所以只看BLOG, 好少SAY HELLO.

看到KYM兄之情況, 都覺好冇奈. 

其實同意有D網友兄所說, 家庭是兩個人一起. 支出之事, 真是要認真談一下, 要求一個共識. 為了子女, 希望太太改變一些.

您出去做地盤, 您話都是比人使了, 不是儲起來.  其實您是三十幾, 定五十幾? 三十幾, 地盤可多做廿年, 五十幾,就搵不到多幾年錢.

另外. 如果做地盤, 可能時間回家好累, 對跟子女之成長相處可能同時少了. 會不會得不嘗失?

您有沒有, 認真計算一下支出及收入. 認真的希望太太明白呢?

政府工, 加秘撈, 其實, 會不會是更好的呢? 周六日, 去理下貨, 都有2,3000一個月.  

想一想.  希望可行. 

 

 

2013/11/10 19:20:41 回覆

陸SIR 及  各位師兄/姐

有股票的事希望陸SIR 及  各位師兄/姐指教一下

我持有 維達國際 03331.HK 

愛生雅(SCA)以每股11元有條件提購維達

目前 愛生雅(SCA) 已經持股量去到 59.92%了, 主席李朝旺則有21.97%

(1) 其中有說要約人(愛生雅(SCA)) 的意願為保留維達在聯交所的上市地位, 這是否正確?

(2) 請問我應否對維達抱有期盼, 仍持有該股好呢?

 

 

 

2013/11/10 00:46:19 回覆

隱定壓到一切,鄧伯伯都咁講

但係要駁就係呢幾年,心大心細~"~

 

soho*
soho* 2013/11/09 23:32:56 回覆

下周一  11月11日 ~ 光棍節

內地「光棍節」將會有不同的促銷活動, 其中淘寶網的「光棍節」促銷活動最具名氣

中國大陸的一個民間節日, 以慶祝自己仍是單身一族為傲

(「光棍」的意思便是「單身」)(轉貼維基百科)

 

animal666
animal666 2013/11/09 21:55:03 回覆

{#icons_dog5}

 

2013/11/09 20:30:28 回覆

 陸老師 喜歡看名人傳

不知有沒有聽港台製作的古今風雲人物?

http://programme.rthk.hk/channel/radio/programme.php?name=radio1/People&d=2013-02-09&p=4819&e=206942&m=episode

2013/11/09 18:16:15 回覆

kym兄,有得揀梗係打正苦工啦,年年加兩次人工,只要做廿年升一次,又可以坐到下個grade既max跟住退休,笑到最後面,地盤依家市好者,好唔好到30年先?

2013/11/09 18:07:21 回覆

剛開始看陸sir介紹的 "紙牌屋".

第一集就覺得好似香港發生的事.  主角第一集就似 dream bear 話咁俾人滾了.  跟住就係爆舊料等對手下台   .......  天下事差不多吧.

以前個個話震鷹奸, 看來他是蠢多過奸. 是奸的話, 發牌這整件事應是一個plot, 遮住其它事吧 ...... 我睇劇太多 .... 不過原來真係好難分.

2013/11/09 17:52:43 回覆

kym,

有家庭, 還是打政府工穩陣.  經濟一轉差, 年紀大了可以好大劑.  除非你覺得在私人市場有生存能力可上位.  多小小一個月不是數.

家人可攤開條數, 俾些除時無收入的危機感佢地.

2013/11/09 16:35:01 回覆

聽完Kym講之後,袋鼠個腦筋轉幾轉,想法天馬行空一點,結果就係想到都係要小狗佢老美QE低息引發的錢災。

現實中係聯儲局製造機會俾華爾pork街一班人,唔使做之餘,亦唔使冒資金風險就有錢賺,獲取社會資源;相對好似Kym兄例子,實幹努力、對社會有實物建設,才得每月萬六蚊。

雖然一方面叫Kym繼續努力儲蓄、量入為出,然而QE扭曲多個市場,低利率造成的financial repression,完完全全去懲罰儲蓄的人,鼓勵消費及借貸,變相將社會資源和財富轉移。

好彩Kym都唔係呆儲蓄,而係有走去作投資性儲蓄,只不過要冒的資金風險,點都肯定比班華爾pork街大…。

2013/11/09 15:08:08 回覆

Kym,股票及現金儲蓄,是聯名還是依然是自己的?如果係自己名就重有機會控制場面,聯名就抓頭。

另外,你用上的字眼,『比人拎去飲拎去食,真係眼火爆』、『怪自已無帶眼識人』,如果係指老婆本人,真係要早點在情況未進一步惡化之前,去搵信得過而又平和的朋友、或社區志願團體傾傾。 已經不單止是理財問題

如果係指損友,而錢又係自己名,情況就易控制啲,當佢係細路仔俾零用;零用唔可能俾得多,因為衣食住行、兒女書簿,可以留作儲蓄的已經所餘無幾,大條道理俾少零用;當然係怕損友教佢借財務。佢要多啲零用自己去Part-time,最理想係最終佢肯幫補家用就最好啦。

如果錢已是聯名,此一刻收入開始先入自己個人名下,保護現有及未來收入,所有開支只由聯名戶口支付… 當然,這樣會即時俾一個負面訊息給老婆,有少少炒大鑊的風險。最好攞多啲意見先至決定行唔行呢步。

2013/11/09 12:35:17 回覆

首先多謝咁多位,計劃一早就有,問題係行唔到姐

問心,我自已本身都唔想做地盤,好辛苦,加上連埋大陸同人夾份買個層樓,渣住近二百萬,點解要難為自已咁辛苦,賺埋d錢又唔係自已洗,又唔係儲起佢,比人拎去飲拎去食,真係眼火爆

做公家工,最少悠閒d,比多d時間研究下個市,郁1%都多過做一個月

本黎慳慳地,日子好好過,只可以怪自已無帶眼識人,一失足成千古恨

2013/11/09 10:11:49 回覆

Kathleen,都好耐無被叫過做『唔使瞓嘅袋鼠』了 {#icons_dog1}

2013/11/09 09:58:36 回覆

我屋企樓下酒樓請夜晩PT, 一個鍾50元, 做4個鍾都200啦.

2013/11/09 09:50:25 回覆

kym,

1) 選做公務員人工真係好低, 到頂都係150K/YEAR, 屋企有無人可幫手揍仔? 叫太太出去做野幫補開資(唔到佢唔肯啦, 如果唔肯幫頭家出力, 婚姻咁長途好難行), 依家做酒樓都萬幾啦, 嫌辛苦, PT都好哦.

2) 選做地盤, 可能你岩岩開始做唔慣, 做做下就無咁覺辛苦, 有d地盤工唔止萬六添, 其實都係一種出路.

睇下陸SIR及其他人建議.

子龍 (kaka就是大叔的契哥)
子龍 (kaka就是大叔的契哥) 2013/11/09 09:46:34 回覆

老美又升....咁絕..... {#iconb_374}

理財計劃. 重點在什麼呢??? 子龍會想重點在個人. 即是每人的理想都不盡相同. 沒有一套計劃會適合所有人. 為何呢??? 因為每人都有其獨特的故事.

我們以kym兄為例. 選擇一份相對低薪而穩定的工作. 還是選擇一份高薪而未知可以做多久的工作呢??? 如是單身還好辦. 但有家庭成員成為考慮因素, 就變得複雜了.

首先, 理財計劃必先要了解自己的性格. 了解你的家人. 家庭成員當然希望你有穩定的工作, 可以多點時間陪伴左右. 但重點在你的個人, 想多點收入, 還是想多點時間呢??? 多點收入是短期的, 但可以滿足短期的消費需求; 多點時間是長期的, 但可以分配到親子關係, 進修個人興趣項目. 簡單來說, 即是放棄短期消費需求, 而增加長期的生活價值. 但你必須對自己和家人坦誠, 能否接受呢?

理想並不一定要投資. 理想的重點在--->量入為出. 有多餘的金錢, 才去計劃心目中的人生目標呢.

2013/11/09 06:10:40 回覆

唔使瞓嘅袋鼠:早唞、早晨 & have a nice weekend, too!  {#iconb_264}

2013/11/09 06:06:08 回覆

2013-11-08

Dow Jones Industrial Average (^DJI)

15,761.78  Up 167.80(1.08%) 4:42PM EST

Prev Close:15,593.98
Open:15,591.54
Day's Range:15,579.35 -15,764.29
52wk Range:12,471.50 -15,797.70

 

道瓊斯工業平均指數 (^DJI)

 

2013/11/09 05:11:40 回覆

Apple用『錢災』來做形容詞,看來繼續應驗。

2013/11/09 03:35:28 回覆

kym,整段留言,大致上兩個問題,家庭開支過大,及轉工求財或求安穩。

應該解決家庭開支情況為根本 (雖然唔排除轉工或留任,可以係整體解決方案的其中一部份),其實明顯你是知道這一點,係十分難解決、卻係最見效的方案。你嘅情況有多好似同依家控股嘅情況,身邊人問題,但因為要相量的輩份不同、背景原因不同,要解決的方法照計亦好唔同。

在袋鼠國有一些社區組織,提供家庭理財計劃輔導,唔知香港有無。

希望你解決得到。

2013/11/09 00:05:51 回覆

算吧啦,經過呢一年,香港人已經開始考慮移民。

反正共產黨跟本唔至在香港人走,香港人走晒仲好,果幾萬億儲備可以拎晒出黎俾共產黨再貪晒佢。

由始至終,共產黨都只係想收晒D儲備黎貪,我從來唔認為共產黨做野會為香港好。

2013/11/09 00:04:05 回覆

To 陸Sir 同咁多位大哥大姐,

 

緊急求教!!!

我好耐之前問過陸Sir有關工作的問題,唔知老師記唔記得,家下情況變化太大,唔知點好

我本身係公營合約工,工作多年,職位同人工都低微~"~,年收入得十二萬左右

剛剛結左婚,原本計劃係KEEP住做,等太太申請來港後,公一份,婆一份,都應該夠洗

自己本身有百多萬股票,呢幾年就算有埋小朋友佢又唔做野,人工加埋收息,都足夠開支

問題係月會圓,人會變,佢變得好食懶做,我本身份糧都唔夠洗,咁我又唔想茶食個本金,又想儲番D錢比細路

結果就轉左出去做地盤,現在跟人做"靚仔",一個月都有近萬六到,過埋出年個年估計可加到兩萬,總算有少少錢可以儲下

 

問題來了,之前個到話,現在開公務員位,可以返去做,但人工無變,都係十二萬一年,到頂十五萬

我等左多年的公務員,終於都來了,隱定兩個字,係出去見過世面先知珍貴

做地盤,我三十頭都覺辛苦,如果五十個到仲要咁做,諗起都恐怖,但做第二範又沒可能有咁人工,同埋有無咁耐比我做又唔知

返去做,屋企開支的問題又解決不了,做兼職又可能犯法,坐食山崩,百幾萬食食下就無乜淨

公家位,機會可一不可再

 

呢到好多網友都係高管,大家有乜意見

 

陸Sir,老師你教買股穩穩陣陣,回報少D都無所謂,返工做野係咪都係同樣道理

 

老師講過B級收入,過C級生活,生活簡樸有餘,B級收入過A級生活,充大頭鬼無好結果,呢套我好信

 

但身邊人唔係咁,可以點...

 

焦慮的kym上

2013/11/08 22:54:49 回覆

Kathleen,早晨、早唞、have a nice weekend! {#iconb_264}

2013/11/08 22:28:54 回覆

老實講,真係唔知政府無乜政治智慧,定係行局真係有不可告人內幕壓場,可以為咗發少一個電視牌,搞到民怨十倍奉還。

最好嘢係平時鬧狗泛民嘅人,而家都會就電視發牌決議,去媽义政府及保皇黨。

在菲律賓殺港人單嘢,本應可以為CY爭取分數,都變成為了sideshow吧。

2013/11/08 22:20:19 回覆

情緒事件 - - 陸羽仁 - 頭條日報
2013/11/8 9:43:58

animal666  8/11/2013 14:37:09  網友在此的回應  {#icons_dog5}

animal666  8/11/2013 14:36:52  網友在此的回應 {#icons_dog5}

animal666  8/11/2013 14:36:14  網友在此的回應 {#icons_dog5}

 

2013/11/08 22:06:53 回覆

Apple姐, 呢班異員都好無奈架, 好似陳碗閒同蝗國輕兩件公聯會要員咁, 次次鬧正苦時大大聲, 一投票就見真章。。。新晉太監謝公公,佢配偶都證實左佢有成二十年無用囉,為左前途, 原來一早自宮左,今次投棄權票,不足為奇呢 {#iconb_38}

2013/11/08 20:56:35 回覆

apple姐,我都相信人性本善,但如果有人犯我……

2013/11/08 19:30:16 回覆

 

{#iconb_223}

子龍(尋夢者)  8/11/2013 14:07:26  網友在此的回應 
阿爺如能回到1500或以下. 就出現了價值呢. {#icons_dog10}
animal666
animal666 2013/11/08 18:03:43 回覆

中原城市領先指數 CCL


日期中原城市領先指數 CCL
(所有成份屋苑)
2013/10/28 - 2013/11/03120.72
2013/10/21 - 2013/10/27119.50
2013/10/14 - 2013/10/20120.08
2013/10/07 - 2013/10/13119.87
2013/09/30 - 2013/10/06119.83
2013/09/23 - 2013/09/29120.00
2013/09/16 - 2013/09/22121.08
2013/09/09 - 2013/09/15120.84
2013/09/02 - 2013/09/08121.94
2013/08/26 - 2013/09/01120.86
2013/08/19 - 2013/08/25119.85
2013/08/12 - 2013/08/18119.79
2013/08/05 - 2013/08/11119.30
2013/07/29 - 2013/08/04120.41
2013/07/22 - 2013/07/28120.95
2013/07/15 - 2013/07/21120.61
2013/07/08 - 2013/07/14120.14
2013/07/01 - 2013/07/07119.69

 

2018 ...

SIGH ...

 

2013/11/08 16:03:33 回覆

Nice weekend~

2013/11/08 15:45:55 回覆
議員投反對票 Apple Wong 加倍奉還
2013/11/8 15:44:57
網誌分類: 其他
 
 

電視風雲

子龍 (kaka就是大叔的契哥)
子龍 (kaka就是大叔的契哥) 2013/11/08 15:44:22 回覆

馬仔: 大市已從10676反彈愈倍了. 不好貪心. {#icons_dog5}

幪面馬仔
幪面馬仔 2013/11/08 15:29:24 回覆

將軍        大市最近低??唔好褂!!仲要低過196xx Thumbs Down

2013/11/08 15:14:34 回覆
個市超悶……
2013/11/08 14:58:39 回覆

陸SIR,我$420買了騰訊3手,約佔總投資組合15% 係短炒唔係投資,雖然未到止蝕($380),但係睇圖好似連50天線都守唔到,弱了 ........

同埋大量恆指牛證在 22500 附近,可能大戶又會屠牛,唯一諗仍然有新股上市,個市唔熱好難去貨;陸SIR,好唔好若反彈, 先離場下轉再炒??

子龍 (kaka就是大叔的契哥)
子龍 (kaka就是大叔的契哥) 2013/11/08 14:51:18 回覆

重生兄: 是估年底, 還是大市最低??? {#icons_dog5}

2013/11/08 14:48:59 回覆

陸蛇午安

陸蛇對後市有咩睇法呀? {#iconb_61}

thx~

幪面馬仔
幪面馬仔 2013/11/08 14:48:13 回覆

陸sir      點解呢度D男人個個都哭架??

幪面馬仔
幪面馬仔 2013/11/08 14:46:48 回覆

人仔兄           即是估今年最尾收市日幾多點??

陸羽仁
陸羽仁 2013/11/08 14:39:11 回覆

標普降法國評級,歐元急插。睇嚟歐央行事先知道,所以先減息0.25厘防震。

animal666
animal666 2013/11/08 14:37:08 回覆

{#icons_dog5}

 

瀏覽更多回應 正在載入...
user

最新回應

soho*
soho* 2023/07/21

20/7/2023 外交部:反對日方排海計劃有理有據
<匯港通訊> 因福島核污染水排海問題,中國強化限制日本食品進口,日本政府表示食品的安全性有科學保障,計劃向中方呼籲要求盡快取消進口限制。

外交部發言人毛寧回應時表示,中國政府秉持以人民為中心的施政理念,必須對人民的健康和海洋環境負責,反對日方的排海計劃有理有據,採取有關措施有理有據。

對於日本政府利用北約峰會、東亞合作系列外長會、東加勒比漁業部長會議等場合,為福島核污染水排海計劃辯解,並釋放不會推遲今夏啟動排海的訊號。

毛寧強調,如果核污染水是安全,就沒有必要排海,如果不安全,就更不應該排海。中方敦促日方正視國際社會和國內民眾的合理關切,停止強推排海計劃,以真誠態度同鄰國充分協商,切實以負責任方式處置核污染水,並接受國際監督。(WL)

soho*
soho* 2023/06/10

有美國撐腰的日本官員卑鄙無恥下流賤格自私, 將核災難輸出全球, 害人精將會受到詛咒

https://youtu.be/zBNGawiSC1o

soho*
soho* 2023/06/10

日本執意傾倒核水

日本福島核廢水排放入海的方案進一步推進,最快7月傾倒入海,在國際間引起極大關注。

日本政府一再強調計劃安全,惟說法無可否認極具爭議性,多國都強烈質疑,在安全疑慮完全釋除前,日方堅持推動計劃無疑非常自私。

本港作為日本農產品最重要市場之一,在此敏感時期,港府作出了周詳果斷的應對,加強日本食品檢測同時,亦已預備好禁制高風險水產,保障食品安全。

若信核廢水安全 日本何不自用?

日本政府在國內外強烈反對聲下,繼續核污水傾倒設施的工程,排放隧道基本竣工,東京電力公司本周開始在隧道注水,按照日方說法,現在距離正式排放只差最後一步,只待國際原子能機構(IAEA)的報告,料廢水最快今年7月排放落海。

事態發展引起區內國家強烈反應,中國駐日本大使館發言人指,將核污水向海洋一排了之不負責任,按國際法和《聯合國海洋法公約》等規定,日方有義務與可能受影響的國家充分協商;馬來西亞、南韓、俄羅斯以及多個太平洋島國也表達憂慮。

日方一再強調倒核廢水入海安全,但按日媒報道,東電5月份在核電站附近海域作檢測,發現有海魚的放射性元素銫含量,超標180倍,日本民眾也強烈反對排放計劃。

環境局長謝展寰曾向日本當局和日本駐港領事表達極度關注,直指日方若對核廢水安全有信心,應在本國尋求作灌溉等用途。

如今日本選擇將廢水排入海,而非注入當地的湖泊、河川,顯然也明白箇中風險,核廢水一旦進入自然環境,後患無窮,而且覆水難收。日方忽視這些合理疑慮,在國際社會未有共識下一意孤行推進計劃,做法非常自私。

香港雖然只有700多萬人口,卻是日本漁農業第二大出口市場,去年出口香港的農林水產品總值2,086億日圓(約117億港元),僅次於中國的2,783億日圓(約156億港元)。

隨著日本排放核廢水計劃推進,料愈來愈多國家或地區作出類似入口限制警告,日本將要承受自私行動的後果。

(轉貼9/6/2023經濟日報)

{#iconb_227}

大戶終結者 ( 等人齊 )

現在係頭條網註冊會去咗下載星島頭條 app。