凸拳法陸續有來

萬事我為尊

安能任倒顛

前途早已定

何以氣沖天

經過一連兩日商議、擺上大話堂議事桌上的那份引用「凸拳法」議案終於有了結果。正如在下早前所料、議案在不夠票數支持之下而被否決。簡而言之就是紫荊人被人白白耍一場。不過別以為事件就此結束、事關大反派尊貴黑仔桃事後公開宣布更改牌頭、由先前迫使督爺交出發牌文件、更改為直接要求督爺發牌給落選公仔箱公司、而另一邊廂異能組尊貴奶缸又喊運用凸拳法向落選公司老闆索取四份有關文件。呢嗱、話就話牌頭已經改變、但鬥垮鬥臭嘅本質卻沒有分毫改變過的。

大話堂門外聚集了兩幫人馬、一幫是要求督爺公開機密文件讓大家看個清楚、而另一幫則是支持督爺企硬執行保密制。在下有點懷疑到底那兩群人是否知到自己在幹啥？當前社會上有兩派輿論。首先的是大反派迫使督爺公開機密文件、其志只在奪權。第二種是說法是、亂制派支持政府繼續利用保密制作為拒人於千里的手段、等同鼓勵黑箱作業。呢嗱、從表面上看來無非是一個「信」字作怪。否則點解「行企主導」在紫荊城行使百年從未受到挑戰、而偏偏要在改朝換代之後人人對此喊殺連天？

在下不敢排除在發牌過程之中會有不公平嘅可能性、但亦不得不質疑何以人們不肯耐心等一等、待得那兩個新公仔箱正式開檔之後再作反應、而偏偏要在一切都盡是未知之數之前就一咬定冇咗那家落選公司唔得？在下更加質疑、假如落選的是另外一家公司、人們是否同樣會將件事搞到咁大陣仗呢？

曾經有人問我、點解發牌事件早不爆、遲不爆、而偏要在「三盅茶會」舉辦之前才爆發出來呢？在下登時被考起。但有小道消息顯示、今次萬歲爺擺設的「三盅茶會」可能會將「聽改謊案」定位。然而發牌事件不斷發酵必然會將人們集中在「厭中」和「聽改謊案」的視線轉移、總督衙門方面便可以獲得更充足的時間和空間去預設視聽頻道、好讓大家一擘開雙眼便能見到朝廷為你而設嘅靚畫面。咁講法、唔知你又信唔信？