職業病

任何職業，長久下來，或多或少都會出現某些職業病----響嘈吵工作環境下會聽覺受損、清潔工人有机會嗅覺受損、即使係文職人員，因為長久低頭工作而頸椎受損，要吊頸!

前晚曲友約我睇騷--都係「臘鴨騷」。其中有兩位係粵曲導師---一女一男。女果位唱子喉，我都係第一次聽佢唱歌，祇聽聽左一段，心諗:「唱得甘差嘅---四種聲:高音既拆亦刺耳、囗白一句子喉聲、一句平喉聲，得一兩句聽得入耳。」

佢唱完，曲友響我耳邊講:「佢以前吾係唱得甘差，可能教歌唱壞把聲。難怪張琴思打死都吾肯教人!」

我又響佢耳邊講:「佢淨係教子喉咪得囉。」

曲友:「佢話都會壞聲架!」

唉! 甘攪法，如果吾係為搵食，真係吾值!(我老師不止一次叫我去啲社區中心教粵曲,衣家睇嚟，似係想害我多啲喎!)

回程時，曲友告訴我阿A衣家響社區中心教緊大棚(我吾識阿A，但見過佢出騷)。呢位女士人靚聲甜，做導師並不出奇；不過，又甘啱早兩個星期，有位曲友同我講(佢同阿A係同一位老師嘅):佢地上課前，老師剛講完電話，對學生講:「我有四位學生衣家都教緊粵曲，剛剛收線嘅係其中一位，打電話嚟問功課，因為有學生問起有關樂理問題，當堂啞左。於是打電話求救。」

我心諗:響社區中心，竟然遇倒啲甘高質素嘅學生，佢真係吾好彩!   (註:我吾知講緊係咪同一個人。不過，好多時學生搵老師，係因為睇過佢出騷，覺得佢唱得吾錯、如果加埋有把靚聲，便認定佢會係位好老師。)

講真，唱歌唱得好，耳軌一定好。所以，學生唱歌吾啱音、吾啱拍子一定聽得倒，問題係佢識吾識教個學生如何唱高音、如何唱低音----最豈碼係發音位置同運氣位罝不同!我吾係話佢地一定吾得---當然有人又唱得好又識得教嘅；其實坊間好多以玩音樂為主嘅粵曲導師，佢地對樂理有一定認知，但唱起歌嚟把聲未必甘悅耳----如果佢聲靚嘅就唱歌啦，駛咩嘢玩音樂啫?

咁搵邊一種老師，便視乎你要嘅係咩嘢囉-----錢唔係問題、祇是恨出騷嘅搵黃老師啦、怕瘀嘅千其唔好搵某位陳老師、錢多又唔恨出騷嘅拜紅伶為師.....總之自己開心咪得囉！