不打不相識
2013/11/15 08:41:19 網誌分類: 生活
想當初哥哥和Mo仔同一時間加入大家庭,自然首先被群貓排擠,兩隻細路貓竟自己日日追打。由屋頭追到屋尾,扭打一輪,一隻不敵往後退,另一隻乘勝追過去,轉個回合,勝負調轉過來,日日如是。 起初也有勸交,時間一久見牠們損傷不大,也勸不來,只好密切注視着,看牠們打出甚麼花樣。 因為Mo仔是流浪貓,習慣維護地盤,擔心牠會打得過狠,牠卻是只進攻從不出爪,是讓着比牠細的哥哥呢。Mo仔這樣善良,真不知道牠以前如何在街頭生存。至於哥哥這隻反斗星反而沒有顧忌,會大力咬Mo仔的貓面,Mo仔依然忍耐着,只將牠撲低。再看仔細點,原來是哥哥纏住Mo仔來打,好幾次Mo仔想走開,哥哥就追上去咬。 這樣追逐了三個月,兩隻小鬼慢慢熟絡,不打了,通常互撲一輪,Mo仔就會攬住哥哥舔呀舔,狀甚老友。 貓與貓之間一生的情誼,往往就是這樣建立起來的。 關慧玲 |
嘩,,睇真d張相,都幾激動,,Mo 仔咬住哥哥塊面,,是否唔低得哥哥咁靚仔 ,,Mo仔好肉緊啫,,,,,,,,,,,,,,, ,,兩小朋友真有趣,關小姐及其他貓爺,應該都多了許多歡樂,,,,,,,,,,,,
係呢MS. 關, 米米新朵叫咩?!
總之有幸被米媽收養, 都係最幸福的事....係呢, 米爺開心番d未呀..
張相好動態呢
係呢, 關小姐, 其他貓爺近況點呢? 掛住佢地呀