點樣令人瘋傳你的網站? 秘密是......
呢個問題其實好難答,但係如果細心留意,總有D人可以經常製造一些令人忍唔住Share的內容 (梁振英係我見到一個每次都可以成為話題的人),
於是我就諗有冇d乜formula可以Copy,他們是有什麼我不知道的呢?
答案是,有的!
Wharton 大學有一個教授專門研究什麼內容會令人瘋狂,什麼內容會"爆"出來
他的名字叫: John Berger,除左佢係一個教授,佢都係一個暢銷書作家,分別係New York Time 及 The Economist 發表個不同的Research
所以點都會留意下佢講乜! 大家識得以下爆炸頭嗎?
他不是 John Berger 未聽過? 他是一位專門研究以下話題的作者:
- 頻頻墜機是意外災害?
- 莫札特磨了十年工?
- 披頭四一千兩百場現場演出?
- 蓋茲連續寫了七年電腦程式?
他是 Malcolm Gladwell,,《決斷2秒間》、《異數》,以及《大開眼界 : 葛拉威爾奇想》的作者! John Berger研究為何Malcolm Gladwell每本書都可以大賣,並就如何令人瘋傳內容有以下見解,以下是其中一些重點:
- 正面的內容係易傳過負面的內容 (估唔到吧? 原來好多人每天都好唔開心)
- 一些能夠產生強烈情緒反應的內容,更易令人瘋傳
- 有用的資訊 (我諗絕大部份人都想幫到朋友,fans吧)
當然Share Inspirational 的內容好有用,但係有個問題係,"同你生意有乜關係?"
小弟試過一連15日在facebook page 分享過一d 連圖的勵志或名句,但係發覺anchor唔到落自己的生意,
所以,如果係推廣生意,"有用的資訊"才是皇道,
下一步就是點樣令佢變成令人有情緒反應的內容!
那怎樣才是 "有用的資訊"呢?大家有冇發覺好多時我地睇完文章都好似唔知點咁?
好似睇左一大堆資訊但係冇乜用?
講到呢度,我都仲未講到重點......原來,我地漏左一步 好重要的一步!
那就是......每次完結一文章時,問自己"What's Next?"
即係 "下一步呢?"
呢個"下一步" 就係讀者想要的資料,當大家每完成一篇文章時,請提供下一步可行的步驟!!! 睇落去好簡單,但係非常實用!
心理學家曾經做過研究證明一D Cocenpt好難令人執行,與其叫人勤力d做事,不如直接告訴他應該做什麼!
如果佢地跟住做,得到理想的結果,佢會記得你! 下一步,
如何製造有情緒反應的內容呢?一個有情緒反應的內容,可以是正面或負面的,視你的需要,只要hit中,好容易就可以令你的內容爆開!
仔細一點去分,可以引發的情緒反應包括:憤怒,緊張,恐懼,快樂,驚喜
憤怒當你寫一d話題,得罪一些人,自然有人為左真理去同你辯解,當然要好準確,否則高登起底組會為你開一個file, 最簡單的做法就是挑戰別人的一些信念
緊張或恐懼什麼會令人緊張呢?
你的男/女朋友俾人追緊,你會緊張!
你的手份證/信用卡不見了,你會緊張!
你生cancer,你未必會好緊張,但你阿媽會好緊張!
為何呢? 當你意識到你會失去一些東西,你就會緊張!
例子: 冇左美貌,有唔緊張的可能嗎?
快樂什麼會令人快樂呢? 最簡的就是有些有趣的內容,搞笑,甚至滑稽的內容,但最好的當然是又好笑又有啓發性的東西! 絕大部份人講自己的小孩,寵物都會快樂,不妨從該角度入手
驚喜這個可能是最有效的原素,你可以分享一些與別不同的做事方法,或結果
記得British Got Talent 的大嬸嗎? 就是與外表有好大出入,驚喜便生了!
護膚品可以團購,衫可以團購,酒店自助餐可以團購, 新娘都可以團購,夠震撼了吧!
最後的忠告當你要有流量時,除了SEO以外,記緊你提供了確實及能執行的內容,給予多一些例子,唔好為寫而寫!
這些係真係有用的,現在講完,你可以怎樣運用到公司策略上呢?
如果覺得以上有用的話,記住係Facebook 幫我宣掦開去,又或去我的Facebook Page俾個 Like!