10分鐘網站人流多10倍
一位朋友同佢老婆的小公主剛出世，老婆為左小朋友辭掉了原本的正職，朋友老婆是愛狗之人，因些打算留在屋企照顧小朋友之餘，另外在網上賣一些狗隻的用品，用左兩萬元開左個Online Shop，坐左六位數字貨，打算好快可以銷晒所有存貨!
除了網上商店，他們也建立了一Facebook Page，諗住可以有多一個途徑宣傳! 在剛成立網站時，由於身邊朋友的幫助，網站訪客及生意還是可以的，三個月過後，冇新的客人始終令佢地大為頭痛， 由於有小朋友的關係，用錢變得十分謹慎，好記得佢搖晒頭同我講: "好彩一份工頂住，層樓又未供完......" 然後噴了一口絕望的煙......
佢地在Facebook及 Google賣廣告，但係燒錢速度著實太快，好快就超過他們的預算，然後停了廣告! Facebook 係多左fans，但係對營業額沒大作用!
你可能以為我會推銷SEO 或打手俾佢地? 錯了，他們的預算真的太緊，緊得我都唔好意思做佢生意...... 夢想跟他們的現實越做越遠，去到呢個階段他們已經沒有預算可以用，面對自己隻狗用3年也用不完的存貨，兩人的關係並不太好......
現在窮得只有一個腦，一對手，可以做d乜? 以上情況似曾相識，好可能係一部份Online Shop Online的寫照，
- 你試過建立網站後冇人去你個網站嗎?
- 你有好的產品，其他人知道嗎?
- 你已經做晒所有可以做既野，包括SEO，Facebook Marketing，但係始終冇人去你個網站嗎?
- 就算有人去你個網站，但係始終賣唔到野出去?
我都曾經在以上某一個階段，無力感好重，做乜都冇效果，買過好多冇用的課程，用過好多聲稱可以Auto-Pilot的工具，俾過兩萬幾跟所謂的網絡教練，每個星期有一小時coaching (凌晨5點 coach)，結果都是白俾!
冇人流，冇生意! 直至...... 我學到一個道理，這個道理令小弟的生意改善左好多，亦令小弟朋友可以賣晒所有存貨!
你有興趣知道嗎? 知道這個道理後，
你會話: "下! 咁簡單?"
但佢的確令小弟朋友的網站由每日百幾個Visitor升左十幾倍，到1200人 這個道理不難掌握，但係好多人忽略左，或根本係完全另一個新思維， 知道這個道理後，基本上無論你推廣任何產品或網站，你都會有足夠讀者群......
沒有網站是推廣不到的!!! 這個道理是怎麼一回事呢?
一個懶洋洋的下午，小弟正好吃完午飯，打算去百佳買零食回家吃，當然少不了小弟最愛的維他檸檬茶 (我知唔健康)， 但真係有條癮，去到買飲品的地方，發覺有好多產品，什麼雀巢，陽光乜都有......
這個很常見吧? 百佳就是買這些東西，價錢較平的地方吧! 你問下邊一個師奶唔識百佳，係百佳唔係Taste，10個有9個半都知吧!
你有冇看過維他有專門店? 有冇見過維他或陽光好似Starbucks咁，在商場中有幾張枱擺係度俾你慢慢嘆超酦版檸檬茶，或超難飲版錫蘭檸檬荼? 又或見到保險經紀攞住包檸茶同個客人傾保單?
雖然檸檬茶係出左膠樽版，但係好難好似starbuck個d果汁咁stylish吧!
好難想像全部咖啡變晒Lemon Tea
這個問題令我思考了一段時間，結論係維他知道自己能製造好的產品，但係未必咁在行吸引人流 (開店) 所以，佢要用槓桿，用百佳的槓桿，即係俾上架費，係百佳度賣!
大家悟出道理了吧?!槓桿??!! 鬼唔知阿爸係男人，人死不能復生?
同推廣網站有什麼關係!?! 講左咁耐都未中point!!!
好了，不要罵!
我只係想大家記得個Concept同埋點解會有呢個Concept出左黎!
與其諗方法產生人流，不如騎劫別人的人流!!!騎劫好似唔係咁正面，或者可以叫搭順風車， 點做? (我知你會咁問?)
回應開首的故事，窮得只剩下一個腦 (人腦與電腦)，一對手，可以做d乜?
你可以選擇寫blog! 乜話? 講咁耐叫我寫blog?
係，點解寫blog我唔解釋，重點係你點將你個blog的內容宣傳出去!
Is Time to Steal People Traffic!!!由於呢個BLOG的讀者大部份都係香港人，以下是小弟在香港會用的手法，其實簡單一個字: 複製 我們已經找到一些在香港有一定人流的網站，最重要的是這些網站不停做緊宣傳，他們也正正推廣自己白的網站，有什麼好過別人俾錢賣廣告推銷你呢? 你只要將你的內容貼過去便可以了! 不信? 以下是小弟之前寫的文章的轉貼 
短短兩天已經有接近1800人睇過，再加17個LIKE，你的網站兩天有這個流量嗎? 以下介紹的網站有些人流KEEP住在20000+ 以上 那你下一步要做什麼呢? 1) 申請晒以下所有網站Account
- She.com (Root Domain PR:4)
- Fanpiece.com (Root Domain PR: 2)
- Weshare.hk (Root Domain PR:0)
- Blogcity.me (Root Domain PR:5)
- 信報論壇 (Root Domain PR:6)
- Qooza (Root Domain PR:4)
2) 申請完之後，轉貼你文章過去
用這個方法除左可以騎劫人流，對SEO也有好好的幫助!那你還等什麼呢?