中國資源（0661）

花 旗 魚 缸 危 危 乎 ， 隔 晚 都 算 係 死 頂 ， 單 日 波 幅 又 成 二 百 點 ， 少 心 血 都 嚇 死 。 本 地 魚 缸 早 段 仲 撐 住 二 萬 四 ， 但 祖 國 公 布 通 脹 高 達 6.5% ， 缸 湖 傳 聞 人 行 好 快 又 要 擺 「 息 魔 」 上 ， 祖 國 魚 缸 跌 到 一 仆 一 碌 ， 本 地 魚 缸 亦 受 拖 累 。 指 午 後 失 守 二 萬 四 ， 低 見 23,753 點 ， 散 場 報 收 23,952 點 ， 跌 47 點 ， 成 交 額 略 見 縮 水 至 917 億 元 。

國 企 指 數 跌 77 點 報 收 14,333 點 。 古 勝 呢 幾 日 講 過 ， 外 圍 有 乜 冬 瓜 豆 腐 ， 本 地 魚 缸 好 難 獨 善 其 身 ， 但 睇 番 呢 兩 日 走 勢 ， 本 地 魚 缸 似 乎 受 祖 國 魚 缸 影 響 大 於 受 花 旗 及 外 圍 其 他 魚 缸 。 古 勝 執 筆 時 ， 歐 洲 魚 缸 顯 著 上 升 ， 道 指 期 貨 都 續 反 彈 ， 原 來 炒 緊 聯 儲 局 下 周 好 大 機 會 減 息 。

藍 色 大 隻 佬 以 地 主 佬 表 現 較 出 色 ， 地 鐵 （ 0066 ） 呢 半 個 地 主 佬 ， 近 日 猛 追 落 後 ， 昨 日 創 22.95 元 新 高 ， 報 收 22.9 元 升 7.2% 。 三 兄 弟 檔 口 （ 0016 ） 跟 四 叔 基 地 （ 0012 ） 緊 隨 其 後 ， 分 別 升 3.6% 及 2.3% ； 超 人 旗 艦 （ 0001 ） 隨 魚 缸 下 跌 ， 散 場 唔 見 六 粒 神 ， 報 收 114.5 元 。 三 兄 弟 檔 口 明 日 派 成 績 表 ， 業 績 前 先 落 鑊 ， 應 可 報 佳 音 。

憂 慮 加 息 六 行 下 挫
祖 國 人 行 加 息 ， 紅 色 錢 莊 息 差 又 受 壓 ， 昨 日 「 六 行 」 行 先 一 步 ， 齊 齊 下 跌 無 一 幸 免 。 古 勝 早 預 期 「 油 魔 」 在 第 四 季 會 發 威 ， 豈 料 八 月 下 旬 已 偷 步 上 升 ， 紐 約 期 油 一 直 高 企 在 每 桶 76 美 元 之 上 ， 但 中 石 油 （ 0857 ） 未 見 上 升 ， 中 海 油 （ 0883 ） 則 後 發 先 至 ， 加 埋 「 發 A 瘟 」 ， 近 日 走 勢 特 別 凌 厲 。 大 笨 象 （ 0005 ） 逆 市 靠 穩 ， 魚 缸 下 跌 仍 逆 市 升 一 粒 神 ， 唔 係 佢 「 質 地 」 特 別 好 ， 係 之 前 其 他 大 隻 佬 狂 升 無 佢 份 ， 自 然 回 吐 亦 無 資 格 。

紅 色 分 子 個 別 發 展 ， 資 源 股 強 勢 依 然 ， 多 得 金 價 及 貴 金 屬 價 高 企 。 中 鋁 （ 2600 ） 升 5.5% ； 紫 金 （ 2899 ） 在 高 佬 盛 唱 好 下 ， 一 度 升 至 9.49 元 創 新 高 ， 報 收 9.24 元 升 4.5% 。 古 勝 上 周 已 表 示 ， 紫 金 短 期 好 快 見 十 皮 ， 昨 日 升 越 9 元 水 平 ， 打 番 個 九 折 都 到 晒 價 。 大 件 頭 資 源 股 勁 升 ， 一 般 散 戶 有 得 睇 ， 冇 得 食 ， 係 時 候 留 意 二 、 三 線 資 源 股 ， 見 昨 日 中 國 資 源 （ 0661 ） 逆 市 升 7.7% ， 成 交 配 合 走 勢 ， 應 該 有 得 諗 。

旗 下 金 屬 礦 蘊 藏 豐
中 國 資 源 今 年 三 月 收 購 雷 石 維 爾 礦 業 51% 股 權 ， 正 式 轉 型 成 為 內 地 礦 產 資 源 股 ， 日 後 將 從 事 鉬 及 鎢 礦 物 開 採 ， 初 步 評 估 擁 有 鉬 的 探 明 儲 量 5.7 萬 噸 及 10 萬 噸 遠 期 儲 量 ， 而 可 開 採 資 源 總 值 高 達 220 億 元 。 集 團 八 月 初 再 以 最 高 代 價 19.8 億 元 收 購 新 疆 礦 業 55% 股 權 ， 該 公 司 持 有 位 於 新 疆 WQ （ SLB ） 礦 場 開 採 權 及 WQ 礦 區 勘 探 權 ， 銅 銀 礦 面 積 約 1.02 平 方 公 里 。 銅 礦 金 屬 存 量 約 25 萬 噸 ， 銀 礦 金 屬 存 量 3.5 萬 噸 。

完 成 收 購 後 ， 礦 場 的 第 一 期 採 礦 及 加 工 設 施 ， 每 日 約 加 工 5,000 噸 礦 石 ， 另 銅 精 礦 及 銀 精 礦 年 產 量 亦 分 別 達 到 1.5 萬 噸 及 1,800 噸 ， 可 於 ○ 七 年 底 展 開 商 業 運 作 。 以 銅 金 屬 市 價 每 噸 約 6.5 萬 元 ， 單 計 該 銅 礦 市 值 已 逾 163 億 元 ， 中 國 資 源 佔 55% 股 權 ， 攤 佔 權 益 達 81.5 億 元 ， 幾 乎 大 過 現 市 值 一 倍 。 呢 次 收 購 以 每 股 不 少 於 2.2 元 印 公 仔 紙 找 數 ， 除 非 成 單 刁 搞 唔 掂 ， 否 則 股 價 實 價 上 番 呢 個 位 ， 即 較 現 價 升 58% ， 值 博 率 甚 高 也 。 不 過 ， 如 果 市 況 唔 就 ， 訂 1.28 元 止 蝕 亦 好 合 理 。

古 勝  

Q ： 本 人 在 1.88 元 買 入 10 萬 股 中 國 資 源 （ 0661 ） ， 請 問 是 否 有 機 會 及 何 時 到 買 入 價 ？ 前 景 如 何 ？ 謝 謝 ！

心 急 人 上

A ： 中 國 資 源 於 七 月 底 宣 布 ， 與 賣 家 訂 立 框 架 協 議 ， 收 購 新 疆 礦 業 55% 權 益 ， 而 新 疆 礦 業 持 有 WQ （ SLB ） 礦 場 開 採 權 及 位 於 新 疆 維 吾 爾 自 治 區 之 WQ 礦 區 勘 探 權 ， 交 易 代 價 最 高 19.8 億 元 ， 而 代 價 將 按 每 股 不 少 於 2.2 元 以 發 行 新 股 方 式 結 算 。

投 資 者 宜 留 意 ， 有 關 交 易 最 終 是 否 成 事 ， 現 階 段 仍 然 存 在 變 數 ， 故 此 ， 是 次 交 易 涉 及 發 行 代 價 股 份 之 作 價 不 能 完 全 作 準 ， 畢 竟 此 股 過 去 三 年 業 績 均 「 見 紅 」 ， 即 使 股 價 已 大 幅 滑 落 ， 但 以 基 本 因 素 而 論 ， 股 價 低 處 未 算 低 ， 更 何 況 ， 公 司 七 月 股 東 會 通 過 收 購 的 中 國 雷 石 維 爾 礦 業 51% 權 益 之 交 易 ， 發 代 價 股 份 作 價 每 股 僅 為 0.3 元 而 已 。 論 走 勢 ， 股 價 回 落 至 今 年 四 、 五 月 0.5 至 0.6 元 的 平 台 或 有 初 步 支 持 ， 但 請 恕 在 下 直 言 ， 大 市 氣 氛 利 淡 ， 這 類 缺 乏 基 本 因 素 支 持 的 股 仔 ， 暫 難 寄 予 厚 望 。

*******************************  

中國資源開發(0661)截至今年四月底止全年虧損6,248萬元,較06年同期虧損560.6萬元擴大,每股虧損2.11仙,不派末期息。