波點裙延續經典，徐小鳳再踏紅館捍衛廣東歌
2013/11/25 08:42:30 網誌分類: 娛樂
| 「不知道在那天邊可會有盡頭，只知道逝去光陰不會再回頭。」經典廣東金曲《順流逆流》、由一把低沉磁性聲線、縱橫樂壇超過四十年的殿堂級巨星徐小鳳（小鳳姐）演繹，百聽不厭。明年2月，小鳳姐再踏紅館舉行6場《小鳳姐走過順逆流，依然金光燦爛2014演唱會》，未開騷已吸引群星爭賀及索取門票，小鳳姐見反應甚佳，更承諾會出動經典Icon波點裙，以及繼續大唱地道廣東歌答謝樂迷。 主持:黃柏高 統籌:林永匡 協力:袁東亮、林書鉉 化妝:KikiNg 髮型:KennyYeung@EdgeHair 場地提供:香港日航酒店 由英皇娛樂、東亞娛樂及太陽娛樂聯合舉辦的《小鳳姐走過順逆流，依然金光燦爛2014演唱會》，將於下年2月19日至24日舉行6場。她的個唱正好再推動及捍衞香港的廣東歌文化，因為今時今日，後生一輩愛追捧K-Pop、日本風等，小鳳姐的經典金曲，就可以為港人重新洗腦。我寄語小鳳姐切勿在個唱Rearrange經典歌，要保留原汁原味。 切勿Rearrange經典歌 「聽到Paco這番說話，我心都定晒。當初我都有想是否需要在新的個唱中，加入新的創作元素，原來大眾想法都是希望聽我演繹經典廣東歌，仲要係原創版本先夠經典，我都記住Paco的寶貴意見。我亦希望當晚（個唱）和歌迷重溫我的首本廣東金曲，像Paco所說，可以捍衞和推動廣東歌文化，令廣東歌更普及，這點是全球華人所期待的。所以我亦希望在新一年，歡迎有誠意的音樂人，為我度身訂造一首全新廣東歌，成為我的2014年新金曲。」 保養開個唱 闊別紅館6、7年，小鳳姐亦坦言面對個唱日子逼近，人亦變得緊張，還開玩笑說：「像劉翔Ready跨欄起步的動作。」小鳳姐現階段正忙於籌備個唱時，亦已開始養聲。 「今次的Bandleader是合作多年、寫《婚紗背後》的徐日勤，仲有其他好有經驗的樂手。因為我是武昌人，自細愛食辣嘢，但近日已開始少食辣，開騷前一個月更加不可以食辣，要食些清潤食物，忌煎炸熱氣食品，好像去打邊爐，朋友問我要胡椒豬肚湯定菜乾豬肺湯做湯底，我都揀後者，怕太辣，把聲變差。平時熱氣飲花旗參好Work，但不可以在唱歌時飲，我試過撞正唱歌時飲花旗參，結果把聲拆晒。同時，充足睡眠最緊要，慶幸我咁多年從未試過失眠，開騷前就瞓多點。仲有，講嘢都溫柔點，怕嗌拆把聲。」 窗簾布變經典 小鳳姐開騷，相信個個都等睇她的經典波點裙及束腰傘裙再現舞台。早前在個唱記者會中，鄭秀文都拍片笑言叫小鳳姐今年不要22吋腰，玩29吋腰不需那麼辛苦。原來小鳳姐當年無心插柳將放置已久的黑白波點布做衫影唱片封套，豈料一着成名，歌迷大讚，成為小鳳姐每次個唱的服裝Icon。 「我好多年前在日本買了一塊波點布，放了近十年，直至1986年影唱片封套用了呢匹布，再做多件在翌年的個唱穿，從此成為我的舞台經典。明年個唱順應民意，我當然要着波點裙啦，不過我都會在歌衫上加點新創作。其他服裝，紅黃藍白黑都會試吓，聽人講興藍色嘛！（金光燦爛，咁金色呢？）金色都着過幾次，想試吓其他色。」 黃柏高 |
 | |
| |
 | |
| |
 | |
| |
 | |
 | |
| |
 | |
| |
 | |
| |
| |
 | |
|
多謝你的分享