買衫唔再只係買衫
2013/11/30 13:44:53 網誌分類: 嗜好
以前買衫, 只在於有新衫著, 會改到ARM自己著。
依家嚮屋企做少奶奶, 大把時間, 買衫好玩左好多~
首先, 買既衫唔一定要ARM著, 因為買大D, 可以改細D, 然後就有布可以玩。
D衫唔靚唔緊要, 個款OK既話, 換左D鈕, 加個蝴蝶或者花邊, 升價十倍。
而最重要係唔使同人撞衫~
D衫洗到短左, 就要狠D, 用佢黎做其他衫既修改材料,
因為短左就係短左, 冬天再著會凍親架,
長袖底衫可以搵一件加個尾嚮第二、三件度, 咁第二、三件就夠長夠保暖。
以前就有儲起D靚衫零件既習慣,
所以屋企都有D靚既鈕同配飾, D衫改完出街一定唔會同人撞。
好幸福呀...
最重要係, 奶奶教我織冷衫, 之後我改左頂冷帽添~
燒餅有時會買衫送俾我, 佢會買大件D, 然後奶奶好好人, 會幫我改D衫褲,
嫁到佢真係豐衣足食 :P
好幸福