絕唱胡笳十八拍(一)

今日響冇生理及生理準備下---考試！

曲友去完旅行，上星期六回來便大傷風出唔倒聲(阿仔又係咁！去咩鬼旅行吖)！佢通知我時是星期六晚，果陣都冇醫生睇啦！星期日佢搵中醫急救---打佢問佢、佢都唔想今日個唱局唱唔倒要搵人代唱啦！我地個私家局雙平雙子，每人唱四首；任何一個人唔唱得，都好麻煩---好似阿仔話齋：臨時取消個局，攪到班師父motorola(冇得撈啦)就唔好啦！

今朝早呢位曲友來電，佢話如果下午真係開唔倒聲，就請我代唱(仲未確定？咁又係嘅，一個月先至得一次，唱得嘅梗係盡可能都想唱啦)；果陣我都出左門去覆診咯！佢又未肯定，我當然唔會花時間咪佢啲歌啦！而且我諗真係要唱多幾首，都可以改歌啫！

唉！誰料對方堅持要唱番佢定左嘅歌，其中一首第一段係有和唱嘅，佢話佢做和唱，唱得倒就佢唱、唱唔倒先至由我代唱喎---哼！

呢首歌，我冇學過，記憶中好似N年前操過一次(都唔記得同邊個？係咪真係操過呢？腦退化？)呢首歌都曾紅極一時，我唔唱主要係因為有兩首歌，師公每次聽倒都鬧人嘅，呢首係其中一首；理由係：「唔合情理！身為胡王，去到中原，不問情由便闖入女子閨房！」

正因如此，我冇咩嘢點接觸過呢首歌！今次咪當考試囉---有冇唱錯？冇至奇吖(唱到第七首啦)！

曲情描述：

蔡文姬故事，最為人熟悉嘅應該係「文姬歸漢」。呢首歌係文姬返回中原，修訂完「後漢傳」後，一來身心疲累、二來念家念兒，故而病入膏肓。左賢王獲悉文姬病重，趕到中原見她最後一面的情節。

日期：2013年12月2日

地點：香港

演唱者：LK/VAN

https://app.box.com/s/8szrk84j88sgocqa21vu