租樓買樓的無限可能

突然間個facebook吹左幾篇關於租樓同買樓的文章，裡面不約而同咁舉出唔同的例證同數字，支持其實唔一定要買樓，亦唔代表租樓等於同人供樓。

當然，佢地不約而同都指出，租樓的話可以將資金投資係其他地方度增值，所以買樓的機會成本就係錯過左投資其他野的更高回報，或者透過投資其他野所衍生出黎的無限可能，所以買樓都有其缺點。

因此，如果你係咬住呢一個"投資增值的機會"成本的話，呢样野係無得拗的，因為情形就等於你老母同你講叫你一定要讀大學，讀完就好好景，唔讀就做乞兒咁上下的比喻無分別，某程度上講到讀左大學就好似有無限可能，但現實又係咪今日個個讀完大學就發圍兼起啤先？

老實講，兩篇報導，兩個作者我都好有保留。始終一個就係叫你買股票投資，另一個就唔知買過樓未，試問點可以作準呢？再者，我真係好想問呢家今時今日，所講的投資同無限可能，係咪一定賺先？如果係，又係咪一定賺得多過你買樓呢？我唔會挑戰有人能夠好好利用首期投資或創業而成功，呢D人一萬幾千人入面梗有三兩個。但問題係你認為閣下係果幾個人，定係其他果幾千幾萬人呢？

我可以話比你聽，其他果幾千幾萬人面對的無限可能，一般都可能係投資股票要輸錢，又可能做生意蝕９埋，又可能錢儲到小小后就駛L左去，同投資都無乜關係，到最后所堅持的唔買樓去租樓的增值無限可能，換來的只係可能虧損，或可能旅遊，或可能買多部iphone　ipad等等，唔係話呢D野有咩唔岩，但係只可以話咪發左場夢，又行多左冤枉路囉。

如果你仲係執迷不悟的話，我就計一計數比你睇，就當今時今日租金唔升，你如果租一層樓10000一個月，10年就洗左120萬，而呢120萬係你絕對洗左攞唔番的錢。好啦，咁呢家問番如果你有幾十萬首期，你夠唔夠膽講話你攞去投資用十年時間一定賺突120萬先?記住係賺突，因為你就算岩岩賺120萬都只係打過和，並沒有證明你做的決定比起唔買樓去租樓明智。

當然，如果營幕前的你同我講你好有信心，恭喜你，因為一係你就係堅有你的門路去搵錢，所以我恭喜你比大部份的其他人優勝；但另一個可能性係你就係所謂的股神或投資達人之類，不過我未見過有所謂的股神長嬴十年，至少識得的都係得個soros，你係咪佢個級我真係唔知，但你要試我亦吹你唔L涱，總之自己對自己負責任就好了。但點都好，我深信大部份所謂正常的人，都未必會咁有信心認為自己有其他可能賺得番呢個錢，咁試問點解你會揀租樓去比一個咁龐大的代價去買一個無限可能呢？咪玩啦吊。

所以，我重申一點，如果你唔係人中之神，萬中無一的達人的話，你攞住舊錢到最后都係冤枉黎瘟疫走，仲要聽信一D似是而非的理論去證明租樓係一個好好的選擇的話，我只能同你講祝君好運。不過每逢我收到租金回報的一剎那，我都會閉上眼晴，內心向所有堅持租樓的人仕致敬，因為無左你地的堅持，我的收租計劃亦唔會成大事，所以當我將開眼睛后，我都總會記得講番句，多謝老細。

請去like我的facebook: https://www.facebook.com/CaptainHK80

友站連結：　香港居屋、上車情報站  

我的Email: hkpower1981@yahoo.com.hk