贏粒糖，輸間廠

唔經唔覺恆指又上回差不多２５０００點，升勢看似未停，還有炒減息消息，借勢再炒，不出為其，恆指隨時上２６０００點都講唔埋，但係恆指愈上１０００點，風險就愈加高。

而家個市都望高一點，其實而家係望升１０００點，但係要衡量風險，其實跌可以跌１萬點，搭下順風車係可以，但架車就撞車時，你能否隨時跳車呢？跳車雖然都會傷晒，但都好過你係車上撞死。小弟都係到提提大家，做足預防措施，見到咩風吹草動記得要做止蝕，因為而家個市其實好危險。

而家個市好似風調雨順，仲有得升，但都不外乎炒奧運概念，北水南調。個個都睇好個市，但係每當連街市師奶都睇好個市既時候，就係要最小心既時候。這些情景有點兒似９７股災，當年又係什麼利好消息，又話回歸有阿爺係到，結果？

現在不是叫大家保留現金，乜都唔買，只係比大家一個警誡心，股災幾時黎冇人知，神仙都未必知，但有一個警誡心係好重要，當看見有什麼不對路的時候，就跳車，唔係到時真係贏粒糖，輸間廠。

小小分享。