執死雞!
2013/12/13 10:51:52 網誌分類: 飲食
朋友傳來消息:中央電視新聞呼籲別吃豬、雞、鴨或肉制成品,因遼寧到杭州有幾千家禽感染了炭疽杆菌,有五個雞場全是死雞(有相為證,不過我唔識整落嚟)。
我唔知消息的真確性,因為whatsapp成日流傳假消息!亦唔明關「豬」咩嘢事?又何解「牛」同「羊」又冇事?
不過,香港經已證實兩單確診禽流感個案,大家都唔應該食雞!不過連豬都唔食得(仲唔知有冇寫漏左牛同羊添),咁咪要食齋?
今日去超市,一於執死雞---唔好接觸新鮮雞啫,睇怕食外國急凍雞都得掛!唔食新鮮豬肉,食外國急凍火鍋肉片都得掛!睇怕呢輪都係煲齋湯飲算咯,乘機減食肉。
新聞報導下星期三同四會係入冬以來最凍嘅日子(仲撞啱我北上嘅日子),朋友:記緊加衣呀!
點會比D雞就咁死到成地係,一早拿去湯做冰鮮雞啦!咁嘥咩!
藍鼠:有心,我唔食粥架!坐言起行,今日煲齋湯。
妳哋出門要著多件衫呀。
一於食齋粥啦
靚豬,你有心啦,我地會架啦!
樣樣都話唔食得、難為我這等煮婦、妳地北上要著多件衫呀!
我都收到呢個whatsapp呀!
風雨難阻唱歌路,我地都唔係驚風怕雨之人!
記得當年嗎?人人聞雞色變!三十元一隻雞,我呢類窮人,立即買兩隻,煲湯煮(食送),照食可也!唔好接觸活雞姐!話唔定食左雞後有抗體呀!