My 盛Lady

一套無線正播放中的劇集。

早幾日講開譯名的問題，雖然果隻狼公仔經己正名為「路福西」，但係都冇用，因為呢個名改左都冇人寫！實際上如果用音譯嘅方法，我覺得「路福西」才合那個瑞典文「Lufsig」的發音。

既然講開呢個話題，又講吓「My盛Lady」呢套劇集名稱吖。我個人覺得呢個名改得好---包含著音譯、意譯、仲有特別含意添！

當年柯德莉夏萍的名戲「My Fair Lady」，中文譯作「窈窕淑女」。今日這套「My盛Lady」，「盛」字可解作「盛年」，但成句用音譯則變成「賣剩女」，好聽啲咪係「豐盛年華的女子」囉！

呢套劇集未做完，我唔知佢究竟係想講前者、還是後者，又或是兩者皆是！

成套劇主要都係睇黃子華啫！劇集裡面好多佳句架，不過記唔倒....最記得係黃子華對高寧講：「你要諗吓喎，如果你嫁左？君(窮人)，咁你就唔可以住山頂、祇可以住深井；你亦唔可以揸開篷車、祇能夠揸住把遮....」

一向對江美儀冇咩好感(萬綺雯都係)，雖然佢響亞視果陣差不多套套劇都係主角，但係聲線似男人(好似唔似似我----忌諱架)，個樣亦唔好睇(太似我啦)；依家過左無線好似脫胎換骨咁，明顯係個粧化得佢靚好多，角色亦好有發揮！雖然響呢套劇有啲情節過於誇張，但係佢響喜劇嘅表現好過徐子珊好多...