呢種男人,唉唉!

2013/12/16 14:37:57 網誌分類: 學習
16 Dec

睇個標題,唔好以為係翻炒呀!早兩日講果個係吳楚帆响戲裡面嘅角色,今日講果個係現實生活版港產賤男一名。

點解要加多個(唉)?因為嘆息吳係因為佢要顧全男性尊嚴吾肯駛女人錢,咁佢衰極都好似「八兩金」話齋,仲有「樽鹽」吖!衣家呢個賤男駛女人錢好似奉左旨咁,可能佢淨係鍾意食糖,屋企連「樽鹽」都冇?

報載一班藝人為佢過左身嘅阿「妹」攪個慈善騷,佢又嘈喧巴蔽話人地冇尊重佢、應該分番D收益俾佢阿媽喎(不如直接D叫人分俾佢)---佢值得人尊重咩?乞兒都好過佢,豈碼人地都要通街行、要開囗求人、要遞高隻手,佢係瞓响度等運到!不過,都要有D咁嘅阿媽先縱容到有咁嘅仔!

唔係喎!講錯左。又錯了?錯在那裡?

佢其實唔係不事生產,豈馬佢生多左條蛀米大蟲吖----一家三條!

我唔知果個騷嘅收益如何分配(我都認同佢地應該交待清楚)?果隻賤男抱怨人地俾得兩張入場劵佢,係對佢地唔夠尊重,最少都要七、八張。撇開駛唔駛尊重佢嘅問題,佢成左年架啦,佢係另一家人嚟,人地俾兩張飛係俾佢阿媽同個工人(佢阿媽先至係佢個妹嘅直系親屬,俾多張飛個工人係方便有人照顧個老人家啫,主辦單位經已諗得好週到架啦)!俾咁多飛等佢拎去炒呀!

回應 (4)
我要發表
2013/12/18 07:40:49 回覆

除了個賤男外、佢呀媽都有錯、養咗個大食懶出黎、真係難為個女為佢設想得咁週全!

2013/12/16 22:51:55 回覆

两母子都係同個餅印---衰樣!

2013/12/16 15:35:24 回覆

對佢阿媽同佢一家真係無話可說。

2013/12/16 14:55:16 回覆

又有單咁嘢?賤男。

user