一生一世

呢幾日聽得最多嘅，除左「新年快樂」，便是1314----一生一世！(唔係對我，我冇咁嘅福份)

情侶揀2013年除夕至2014年元旦時段互訂終生，取其愛對方一生一世的意思。雖然，世間上真的有一生一世愛同一個愛侶的人，但數目甚少！

人說：戀愛的人是盲目的，祇看到對方的優點，卻看不到對方的缺點！甚至那個對方根本連少許優點也沒有，祇看到對方美麗的外表(這外表可能在其他人眼中一點也不美麗，祇是情人眼裡出西施)，便認定對方為終身伴侶；結果...

也許有些人看到對方的缺點，卻天真地以為自己有能力改變對方；正所謂江山易改、本性難移！結果....

美麗的小鴨揀上了窮小子，一心以為寧欺白鬚翁、莫欺少年窮！但如果那窮小子真的是百無一用嘅，佢呢世都注定窮，那時貧病夫妻百事哀，結果....

當然，萬中都有一人可以做到力爭上游，即駛做唔倒大富翁都可以創業成功的例子！可是，你諗你會唔會係咁好彩果個？

嫁個有錢人啦！哈哈，你估係人都可以做得倒架---唔好將自己墮入戲裡面嘅角色啦！古時都有句說話：悔教夫婿覓封侯！即係話一個男人一有左錢，就好難從一而終架啦：好嘅一定有，又睇吓你有冇咁好命水遇得倒囉！

自己無錢，即使嫁倒入豪門都唔一定係好事(如果淨係好似我咁向「錢」看可能好啲)----你屋企人永遠受人白眼、你即使係賢妻良母、都唔保證對方會善待你同你屋企人！

講咁耐，好似都係講緊啲男人唔好咁！梗係唔係，我份人最公道嘅，女人衰起上嚟可以好衰架！

有啲女人嫁左人之後唔駛做嘢，但係個老公又未富貴到可以令佢呼奴喝婢。但係好多呢啲女人嫁人後都係做「無飯主婦」，老公返到屋企日日食「出前一叮」(算好架啦！出前一叮係即食麵嘅殿堂級品牌)；佢個老公一年三百六十至三百六十五日都係食公仔麵，食左十幾年，終於唔駛食啦---轉飯鑊，娶左閻羅皇三公主！真人真事，冇鑿大架！

亦有唔少女子同窮小子發豆芽夢一段時間，一遇倒個稍為靚仔啲、有錢啲嘅便頭也不回！女人硬起心腸都幾得人驚架(我都係咁：哀莫大於心死)！

講咁多，係希望大家唔好咁隨意同人許下承諾、尤其是係「一生一世」果種！

希望大家都幸福滿載--一生一世！