家畜の安寧 虚偽の繁栄
肥奧、依家控股，早兩、三個月前，好似係你哋提議袋鼠看《進擊的巨人》，睇完可以講吓；但係當時袋鼠睇唔入癮，不過而家有粵語配音，開始追劇情。袋鼠只係追完動畫版，及在維基百科參考故事背景。
故事本身除了熱血同煽情之外，主要是主線有一個秘密，去吸引着觀眾一同去尋找，加上一些出人意表的情節。日本動漫比較著重劇情的作品，一般原創者都有一套比較深思的哲學觀，並灌徹地以不同人物在故事中表露出來；舉例其中一個想法，就是對著沒有人性的攻擊，唯有以沒有人性的反擊去戰鬥，可是一旦雙方曾經是並肩作戰的戰友（第24集），人性嘅考慮便使人猶豫不決，但沒有人性的戰鬥又為了甚麼？
諫山創寫這一部作品，最少在初期設定，有不少日俄戰爭的影子，例如司令的設定，及米卡莎（ミカサ/三笠）的名字；再循這方面的歷史去看，唔知係有意還是巧合，總覺得故事之中，845年超級巨人踢破城門，尤如影射1846年美國海軍第一次駛進東京灣，解開德川幕府自戰國之後超過200年的鎖國令。
另一方面，故事人物全是德國人為名，故事本身已經充滿戰爭場面，加上那種凱旋揚威的第二首主題曲，搞不好真的給人有軍國主義味道 (甚至乎納粹主義) - 難怪有人會比喻女巨人為朴槿惠！但是從好的方面看，故事中卧底巨人與人類相處 (連載中未解開的迷團之一)和建立感情，何嘗不是對人文交流的積極性的一種暗示？
但是，大慨口啤好、有共鳴的作品，不單是作品本身的理念，是能加以啟發讀者的想法，超越作者本身的在故事灌徹的思想。在香港人(及日本人？)之中，尤其是年輕一輩，向上爬行的梯階收窄，而社會經濟成果的分配又不均、甚少惠及梯階下的人，對袋鼠來說，最應棍的應該是主角艾倫經常掛在口邊，主題曲「紅蓮の弓矢」的那兩句：「家畜の安寧 虚偽の繁栄」 (難怪去年七一上街，一眾『餓狼』都掛上進擊的巨人名號)
PS 袋鼠幾鍾意睇動畫版描述出立體機動裝置的動感。
袋鼠先生：據說日本開拍『進擊巨人』的真人版，三浦春馬有份主演，拍攝地點是長崎縣端島。
大笨袋鼠 21/1/2014 0:48:30 網友在此的回應
雖然政府扶貧政策，增加經常公共財務經常性開支，但香港貧富懸殊，在世界首屆一指，有一大班人係使唔起錢，而家對呢一班人派錢，佢哋生活質素改善之餘，亦同時刺激消費活動，認命做中產嘅人，不如鬧少一句，問吓自己有無本事去搵呢七十一萬人收到嘅錢呀？
若果認命無本事，袋鼠都明白點解難為，無可厚非，請看下文
袋 鼠讀過經濟，始終想彫吓書包… 袋鼠以前留言曾經提過，財富不均，其實係可以阻礙整體經濟發展，見解未有改變，但為求省篇幅，呢次唔再寫了。不過同時，袋鼠又唔怕插番自己… 在另一方面，政府一下子直接派出這麼多的金錢到基層手中，袋鼠國在金融海嘯時的經驗，效果係立竿見影，但單從一般香港表面宏觀經濟數據（家畜の安寧 虚偽の繁栄），大慨可說是接近全民就業及生財工具使用率十分高（袋鼠無實質數據，懶得去搵，不過總之呢個係立論重要嘅假設啦！）以大學一年級的經濟學課本 推論，中、長期會推高整體通脹率，結果貧窮一群都係無啖好食。
袋鼠自插好似好戇居，但袋鼠係想帶出其他問題。因為政府派錢扶貧，只係表面工 夫，香港更深層次的問題，是沒有足夠競爭！衣食住行，除了衣著，有邊一份，不是集體壟斷，就是龍頭領價？更甚的是，政府是沒有有牙力嘅反壟斷法 （好似直頭係無）；所謂全世界經濟自由位列前矛，只是虚偽の繁栄；無需要的都要問政府派錢，是否追尋着家畜の安寧呢？
點解市場被壟斷是大問題、和上面講通脹扯上乜關係？ 簡單來說，就是提價能力。
回應上面自己寫嘅一段，你認為增加了的整體消費金錢，會多數去那些人的口袋？
聖 誕前後，袋鼠幾次聚舊，唔知係袋鼠自己職業病，定係朋友人哋有心提起，在袋鼠面前歌頌『自由市場』（唔係講程度，而係講緊越少越好，忽略灰色地帶）；袋鼠 想通的是，經濟學最終的目標，是追求『經濟效率』；『自由市場』只不過是在某一些特定情況下，可以協助達致最高『經濟效率』的體制；但有不少那些特定情況的假設，在事實並不是經常發生，而且這還未計算公義、政治和人性行為, etc 都可以直接影響經濟效率。
（講講吓有啲㷫，用英文講好似順口啲）Strictly speaking, free market per se is one possible "mean" to achieve optimal economic efficient outcomes, not an "end" itself. However, people just keep thinking that the government should strive to be laissez-faire, even when the market has failed. That is why the yanks have their worst recession, when their ideology of free market has got in the way to stop the GFC on its track. Worse still, when they (eg. the Fed) do intervent, they have no f*ck'n idea of what they are really doing.
睇 唔明呢兩段唔緊要，袋鼠啲自由市場『信徒』朋友都唔會明… 最可笑的是，其中有幾個朋友，佢哋廿多年前經濟衰退時，還是身處貧窮、或位於貧窮邊緣。佢哋認為而家係同啲自由市場宗教的『大祭師』有福同享；不過袋鼠沒 有告訴佢哋，只要等下一次袋鼠國經濟衰退，好多呢啲信徒殉道時（即係中年失業… 當然身處權貴嘅祭師繼續有福自享，而有先見明哲自保者起碼唔使有禍同當），佢哋極可能對 『自由市場』呢『兩』個（英文）字，講都唔想講。
如是者，只會令社會像鍾擺，由一個放任性自由市場極端，走回政府大幅管制的極端，兩者對資本主義都不是一件好事。
共產主義已經証明係行唔通（唔知呢句會唔會令整篇嘢河蟹化，但應該無乜讀過經濟學嘅人，唔會唔係咁講），但如果資本主義繼續盲目追求自由市場（有別於經濟效率），位高權貴者賺得太盡，沒有考慮社會公義和權貴德行（social justice及noblesse oblige），後果只會分化社會。
Failing elites threaten our future
袋鼠還看過另一篇文章，談及現在社會除了上流（social upward mobility）困難之外，有glass ceiling，亦提了一個少提的現象，就是下流亦十分罕有，即係身處權貴有glass floor；作者只係提出一個簡單的「opportunity hoarding」為理由，即係有好嘢只會益自己友。 不過忘記了原文出處。
大笨袋鼠 2014/1/11 13:31:44 網友在此的回應
依家、肥奧，《進撃の巨人》那一句『美しき残酷な世界』，袋鼠覺得真係越睇越有意思，尤其是體現在米卡莎身上… 她由一個無憂無慮、在美好世界過平淡生活的小女孩，一瞬間跌落殘酷世界，卻因此才會遇上艾倫的那一鼓傻勁去拯救佢，及那條紅色頸巾帶來安撫慰藉的美好。
現實中的天災人禍的殘酷，何嘗也不是顯露出不少人性的美好？
當 然都係諫山創筆下留情所安排的情節，不然米卡莎早已經被賣豬仔做失蹤人口。這種情節上的巧合，現實上可以叫做運氣。米卡莎在創傷的情況，人變了，但眼睛還 未有被蒙蔽，而看不到一刻間的美好。大慨在不幸的情況下，可以更不幸的是，是有少少運氣到來都已經看不見。(大致上全部都同第六集有關)
依家、肥奧，《進撃の巨人》那一句『美しき残酷な世界』，袋鼠覺得真係越睇越有意思，尤其是體現在米卡莎身上… 她由一個無憂無慮、在美好世界過平淡生活的小女孩，一瞬間跌落殘酷世界，卻因此才會遇上艾倫的那一鼓傻勁去拯救佢，及那條紅色頸巾帶來安撫慰藉的美好。
現實中的天災人禍的殘酷，何嘗也不是顯露出不少人性的美好？
當然都係諫山創筆下留情所安排的情節，不然米卡莎早已經被賣豬仔做失蹤人口。這種情節上的巧合，現實上可以叫做運氣。米卡莎在創傷的情況，人變了， 但眼睛還未有被蒙蔽，而看不到一刻間的美好。大慨在不幸的情況下，可以更不幸的是，是有少少運氣到來都已經看不見。(大致上全部都同第六集有關)
老實講，成套嘢其實好鬼死血腥兼核突，真係唔好推薦俾啲胃口頂唔順嘅人睇 (香港電檢列為M-15，我估澳洲會評為R-18)，但在人物描寫同成個故仔來看，真係睇上癮、同可以諗出好多嘢(當年袋鼠睇完CLAYMORE一次之後就唔想再睇，亦無太多想思考的地方)，比虛淵玄的Fate Zero更有意思，搞到袋鼠而家「進擊的腦筋」中。