番禺爆笑兩天遊（中）

話說星期六晚離開番禺水上樂園後，跟酒店司機聊起哪兒有飯吃。怎料，他說很多食肆都關了喇！說的也是，那時已九時多，內地很多食肆都較早打烊的。

司機帶我們去到一間超平民化的餐廳。餐廳還開著，但有一陣味……原來它正在裝修，侍應說：「不如你地坐在露天位吧，我們室內要批灰。」嘩，批灰喎！菜式拿出來，豈非鋪上一層灰？連忙走出大街，見到某賓館樓上有酒家，不理了，吃吧！想不到，如此胡來找的一間店，居然會價廉物美。久違了的廣東夜茶，比祈福便宜多了。

回到酒店，就是正式開戰之時。開甚麼戰？鋤大Dee是也～～參戰的有臭虹、Maggie與Fanny，我老婆與Ili都是早睡又不好賭之人呢。

鋤大Dee的成敗，事小；戰陣之中的對話，事大。

臭虹：「賤夆，唔俾你出野！」
我：「下！！！！」她坐我上家，不讓我有出牌之機會是也……
我：「我要出野都唔俾？呢個明明係與生俱來既男人人權黎架喎！」
Maggie：「你出唔出野既權利都俾人control住喇！」
我瑟縮在沙發一角，可憐兮兮……
我：「嗚嗚嗚……我唔忿氣！點解會係佢control我喎！」
Maggie：「你點做男人架？」
我：「男人既屈辱！男人既屈辱呀！」
臭虹出隻細牌：「拿，出野啦！畀你出野呀！仲唔出野？我叫你出呀！」

～～～

Maggie：「你地話，大腸內壁入面會唔會有脂肪？」
Fanny：「有卦……」 
我：「我話冇」
臭虹：「有，梗係有啦！如果唔係點會有爆血管唧？爆血管就係話D脂肪塞住……」
我：「阿姐呀！無啦啦你講乜鬼爆血管唧？講梗大腸內壁呀！你大腸係血管？定你血管係大腸呀？割你一下，你會流D屎出黎架？下！」

～～～

Fanny：「點解無啦啦問大腸內壁脂肪既？」
Maggie：「我地中山，次次無線播鋼之鍊金術師，就會插播一隻廣告，叫正點閃電瘦……」
眾：「乜野獸話？」
Maggie：「正點閃電瘦」
我：「急口令黎架？好撓口喎～」
Fanny：「靜電閃電獸？超人片入面D怪獸黎架？靜電閃電獸，獸獸獸～～」雙臂十字手出招狀……
Maggie：「不，是正點閃電瘦。係一隻口交黎既。」順帶一提，中山人Maggie口音不純。
Fanny指著我：「你，畀個靜電閃電獸臭虹啦，反正你都畀佢control住咯！」
Maggie：「嘩，人地老婆一唔係度你就亂黎喇！」
我：「佢？我唔制！我唔制呀～～～～」
Maggie：「唔係口交，我係話香口膠。廣告話佢可以帶走大腸內壁脂肪既。但係咪好呃人丫？食香口膠咋喎。」
眾人：「哦～～」

下回預告：一男五女誤闖「邪骨」！歡樂大爆炸！！！