戲語蓉蓉
2014/01/27 12:03:16 網誌分類: 娛樂
收聽數碼電台~戲語蓉蓉,就因為係佢主持,所以收聽,但係有d失望。首先將訪問斬件,講兩句就播成廿幾卅拾分鐘粵曲,誰耐煩聽下斷下,訪問就是訪問,還要等咁耐,我的天!播歌又唔知乜頭乜路,唔知歌曲名,又是否由訪者唱?內容又唔知乜,興趣大減。成日我知道我知道,長篇大論講被訪者的事,好的主持人,是否應該引導受訪者講,聽下聽下有d氣結,比人講啦,又唔係叫您以第一身寫稿?請徐小明個集,想知為什麼兩年後離開女姐?自己又如何自學,有而家的成就?對於凰凰女女姐,又唔比佢講多d,等我們了解下女姐一些日常生活趣事,好希望佢請到高麗訪問。訪南鳯那集,剛講到聲哥紅荳子開頭唔多鐘意棠哥,就冇比南鳯講埋奌先改變印象,收佢為徒?咁都唔緊要,最緊要請先將大駕光臨一氣呵成播哂,唔好要我等,如果唔係只好熄機,雖然喜歡,但冇計,sorry!
唔係唔好聽,係將訪問斬件,冇耐性。
hey tm, how to phone canada? what number first? Leo
亞夢講得對‧
你同cat講到個節目咁不濟,仲叫我哋聽重溫,咁好介紹呀!
去聽重播啦
我都冇聽‧
無聽無得搭咀
聽左佢幾日,發覺佢不單止唔係出色嘅節目主持,仲......還是尊心做佢嘅文字記者好了!
哈!好似淨係得妳同我两個有聽咋喎!
對呀。同歐翊豪一樣,老師上身,....我知道我知道,講哂人地的嘢,比人講小小,自己講哂,,我也只揀來聽,煩死成日停,浪費時間。
今晚👂仙姐.....重我相信我覺得......不停主觀忖測認為,而唔係報導.....
我擺烏龍,以為妳講面書向徐姐提意見果度.
佢將訪問斬件播出,可能驚住人地聽完訪問就熄機,唔聽佢播歌吖馬!佢冇顧及啲聽衆唔係個個咁得閒同好耐性架!雖然我大把時間,但冇耐性,呢幾日都冇聽喇!
佢寫嘅採訪文章唔錯,但真係唔算一個成功嘅節目主持人,又太多呢呢聲,聽到起雞皮!