新年記事
2014/02/04 13:10:33 網誌分類: 親情
以前嚮爸媽屋企, 一到新年會幫手入利是、擺糖果盒。
依家結左婚搬左出去, 去左另一區, 都唔會特登叫人去我度拜年, 所以只嚮屋企貼揮春、年廿八至年三十猛咁打掃, 因為初一至初三就唔可以清潔屋企。
好搞笑, 垃圾都唔敢丟呀! 初一至初三不斷踏個垃圾桶入面d野, 等個桶裝到3日既野 :)
第一年派利是, 我避年!
就係只俾利是d好close既親戚, 見到看更我就視而不見囉, 因為我橦大廈d看更好廢, 我同佢地投訴樓上嘈音佢地當我講笑, 平時看更又成日去巡樓唔見人, 但到新年就2個看更坐正門口等人派利是咁~
而禮物呢...
我同我呀媽、大哥d禮物就不斷禮尚往來, 又利是又禮物咁... 哈哈, 中國人真係多禮俗, 但都係開心事。
今次返黎, 大哥煎左我呀媽整既馬蹄糕同蘿蔔糕, 我地同姪女一齊食。話咁快, 姪女就3歲幾, 想當年佢只係一舊粉團咁既初生bb... bb大得真係快。
而以前間屋, 因為我結左婚, 有機會裝修。裝修左, 姪女好鐘意~
恭喜發財!