爭D俾個大陸小朋友撞跌

前幾日搭地鐵, 有個大陸小朋友同佢呀媽見有人落車, 有得坐, 就沖埋個位度, 爭D撞跌我... 因為大陸小朋友力氣大, 粗粗魯魯, 本來佢企車中間已經成日郁黎郁去, 我就好小心咁避開D拳腳。

雖然話我咁大個人, 但體質偏弱, 好似文弱書生咁... 以前就係成日為左讀書, 少鍛鍊自己, 搞到咁大個人成日匿埋嚮老公後面, 當佢係擋箭牌, 哈哈。講開地鐵座位呢樣野, 老爺話依家都多左人讓座俾佢既, 但我都係見車上面有D大肚婆要企架喎。

頭條網既馮媽媽http://blogcity.me/blog/reply_blog_express.asp?f=VQGX84HL0C239932&id=614436&catID=&keyword=&searchtype= 大住個肚, 都成日講到D人唔讓座既問題...

其實如果D人又唔讓座, 又沖埋去D位度爭位坐, 都真係好危險架。

不過我唔係只想話D大陸人同埋行李箱霸晒D位, 正如馮媽媽所講, 我地本港D人都要留意下周圍環境, 唔好只係留意自己部手機, 唔係撞到人又唔知, 有人需要幫助又唔知呀。

以前成日面對D學障小朋友... 小朋友點解會學障? 除左懷孕期營養等問題, 孕婦既身心素質都會影響BB既身體同智力發展。唔想本港有咁多問題小朋友, 大家為大肚婆出一分力啦!