電郵功能
2014/02/06 17:14:59 網誌分類: 寫作
一個人工作無論幾專業都沒用,因為你的同事不專業,便會拖垮整件事情,所以很多公司經常標榜自己擁有專業的團隊,其實很大部份是吹噓的。
我自問工作態度很認真,每次發電郵都寫得清清楚楚,幾乎是畫公仔畫出了五臟六腑。但每次都會有人問我一些已經詳述的事情,換言之這班人根本沒用心去看電郵,到有事發生的時候就推說別人沒告訴他。喂!一早已經電郵俾你地,唔好扮唔知啦!有證據架!但都有人扮收唔到,又有人話睇唔到喎!又或者說睇過下啦,無認真咁睇囉。
電郵功能其中兩項是可以要求「送達回條」和「讀取回條」,就是偏偏沒有「對內容完全明白回條」、「對內容一知半解回條」、「對內容無興趣了解回條」、「對內容大致明白回條」等等,好讓發件人了解收件人的接收程度,從而心裡有數,知道那些關鍵人物看得有幾清楚?若然不了解便以電話跟進,解釋到清楚為止。所以我建議軟件公司早日增設這幾項能夠反映收件人心聲的功能。
所謂一樣米養百樣人。一個電郵發給一大群人,自然有不同反應,所以無論自己工作如何細心都是不足夠的,必須要像個老太婆一樣,不斷重複又重複地去講解一件事。所以很多男人都不明白,為什麼女人會長氣、會囉唆?不是女人想的,是現實環境逼出來的!怕你唔明囉!
我唔會話老闆唔啱的,我只會說for your information,我們幾月幾日曾有如此通告,此外乜嘢判斷都唔寫上去。
我都知老闆係要錫住的QQ
indy
Indy,有時工作係要忍下的,除非好大件事啦.
食死貓時,就用寫過的依貓彈返轉頭,俾佢睇下先前某月某日曾經公告過囉。
個老闆梗係唔會公開致歉,但佢會心中知道怪錯人,以後唔會咁隨便屈死貓。
人種不同,唔負責人的人,往往都係好多借口,總之當無睇過電郵,其實係唔上心,真係處事方式不同,好難攪,最慘係這種人往往係高位過你,權大過你,結果都係自己吃虧,無計。+1
立冬:
身邊班友自從用咗 "V差" 和 "窩些" 之後,我再用 "電郵" send俾佢地居然唔覆我(仲話依家冇人興用)
Wongi,很可惜電郵是秘書之間的溝通,不可以抄送給她們的老闆的.好多老闆睇電郵都係一樣好求其架咋.
Indy,當有事的時候,最上級係唔會知你已經寫得咁清楚,只係佢秘書無認真睇野,佢會以為我做得唔夠好,所以我經常食死貓架.
Winkjet,多謝!我相信上述是很多人會遇到的問題,不只電郵,還有whatsapp,很少人可以認真閱讀別人所寫的文字,求其望下就算睇左了.
昨天人日,我買了自己最喜歡的栗子撻應節.
送上善用电邮星星。
公事上,常用电邮,為的是可以叫人做事之余,可以同时把副本交給老板。
如今的老板事事過問,一定要通知她呀!
電郵的作用,只是白紙黑字,證明自己講過,責任不在自己身上。
好多人都唔會睇。
冬姐的牢騷,發得很有Point^^
在某些網絡遊戲中,寫得很明白的規矩人不看,一般罵其為文盲。
不過我都化囉,但凡寫一則電郵通告,預了有一定百分比的人係唔睇的。
indy
立冬:
工作上往往都會遇上不同種類的人, 不用太著意. 我撑妳! +1
今天人日, 人人生日, 祝妳生日快樂! 把不開心事忘掉, 亦望不開心事不會再發生.