等相睇
2014/02/07 10:41:39 網誌分類: 生活
朋友有一隻跟哥哥年紀相若的蘇菲小姐,很想介紹給哥哥認識,不日就會帶來我家,嘗試第一次接觸,如果兩位美短大人不互相抗拒,蘇菲小姐就會留在我家生活一段日子,看能否開花結果。 為這件事考慮了好久,哥哥日漸成長,但仍然是BB貓,對人間事一概不曉,只愛追逐玩具波仔,反而貓女蘇菲已蠢蠢欲動,神女有心、襄王未有夢之下,哥哥若對牠全無反應,那就枉費朋友一番心意了。如果牠情花未開,只好做手術了,免得牠或其他貓不開心。 反而米米這陣子有異動,立春開始,不時追着哥哥,咬着牠的頸搏命踩呀踩。牠早年和小襪是一對,想過成家立室,不過最後儍仔唔識搞,才絕了育,跟一夥貓爺們睇齊。 或許曾經滄海,米米比其他貓知多一點春心是咩一回事,可是牠總是把男的弄成是自己對象,依家是哥哥,之前是骰仔,有時甚至追真真,究竟是牠追不到紅豆或小Miu?還是天生異稟?看牠一臉認真煲無米粥,唔知心裏在想甚麼呢? 關慧玲 |
米米瘦左好明顯是發情, 唔通閹唔淨
米米唔開心, 因為哥哥仔越大越靚仔
米米係咪瘦咗呀?好似咁細個喵咁
嘩....哥哥真係同米爺有得揮...個size...
米米有心事
順其自然, 不要強貓所難
蘇菲小姐係朋友家的貓公主,只係來小住一陣子咋。
呂鳳儀
hehe,我真係唔同你睹,輸硬
臻琪貞子
我估紅豆同小Miu實呷醋,"霞霞"有聲,賭乜都得!
咁蘇菲小姐咪係第九貓? 紅豆小姐佢地會唔會呷醋架?
哈哈。貓兒是否情投意合,可能需時半年以上,要慢慢煲的,所以蘇菲小姐或者會在我家住一陣,對於牠倆是否成事,我其實不在乎,就算搞不成功,哥哥也可以多一個朋友仔嘛。
米米x取向可能有少少唔同 ^^ 佢個表情好無奈下喎.
哥哥仲係小朋友,咁快就要佢同貓行埋?