$12蚊店 - 蒙面超人沐浴面膜套 試用LEADERS .鮮橙明亮導入面膜

好多時,SIS 們有冇發現用PAPER MASK 好快吸收晒,特別冬天, 大家仲以為D 皮膚干所以吸收快,但"FU"完發現個面又冇乜效果,第一個反應....隻面膜唔得. 原來係天氣問題,因為我們個面膜係空氣中蒸發左D精華,所以實際係冇乜吸收過. 

甘係唔係以後唔好用PAPER MASK, 甘又唔係.因為我們想減少呢個情況,最好就係"fu" 左PAPER MASK之後加上保鮮紙.不過記得開番個鼻孔.比自己呼吸.不過....你要整好個位置.唔好唗左個張保鮮紙.

不過我就冇甘細心.因為我係一條大懶虫...一定冇呢個心去整.但係日本人就有呢個心.因為....睇下.

掛耳式,不怕隨時趺落黎.

其實做paper mask 最好係淋浴個時做, 因為有蒸氣,不斷保濕之餘仲可以擴張毛孔, 加強吸收mask 入面既精華, 同時可以好relax 享受下淋浴又可以節省"fu" mask 既時間.

物質是樹脂

就算唔識睇日文都可以看圗判斷.

最重要教ma 大家,如果掛耳size不啱. 可以向內剪大d,(睇清d...不是剪條掛耳繩)

就算加熱左paper mask 之後"fu" 都唔怕. 因為有耐熱度.夏天時,想雪下塊面膜. 再來黎"fu"一樣適合.

成塊取出來,好似我地平時用既paper mask 甘. 不過有陣塑膠味.

哈哈..唔係有暗瘡.係我用潔面乳, 去洗塊塑膠面膜, 不要使用漂水,因為怕會對皮膚有敏感. 所以我用潔面乳比較安全.

洗干淨及抹干後,我就立即試下戴上, 又好fit 位wor. 好貼面,不是緊既感覺.

(正面)好有蒙面超人feel.

耳仔位置,不要太擔心好似好細塊,因為我仲未有paper mask. 所以個面豬位會細d. 

個鼻位同人中位係我最like 因為可以輕鬆地呼吸,人中位好似好細,但加左塊paper mask 就fit 晒.

有新野玩,更係玩MA 塊新面膜,韓國品牌LEADERS - Coconut Bio Mask With Organe.鮮橙明亮導入面膜. 其實我上年聖誕節前已經收到...而家先有時間寫佢....sorry.........

佢比一般面膜"fu" 既時間長約30-40分鐘. 

打開睇下,都算多精華, 每次一見精華多既面膜,我一定用ma 佢搽頸或身體.唔好唗..c 奶本色....

面膜紙有三層, 中間先係個張面膜, 質地唔係一般纖維紙,係比較厚身同滑,好似有D似膠質感.

我自己覺得好既面膜紙有三點好緊要. 1. 精華, 2 裁剪 3. 質地. 其實好多時唔同人又唔同面形,所以要留意下.

LEADERS - Coconut Bio Mask With Organe 面膜紙 1點 同3點 可以外. 第2點. 就有點失望

CUTTING 唔好甘好,不過我有蒙面超人沐浴面膜套...哈哈加左上去...FIT 晒.

之前講,個蒙面超人沐浴面膜套比較細.但一加左PAPER MASK...就啱啱好.

因為天氣太冷,我就將"FU"面膜時間縮短5分鐘.因為太久加上天氣問題,會將水份更易帶走.所以SIS 們秋冬天"FU" 面膜要留意呢點. 

好LA...睇下結果,我一除蒙面超人沐浴面膜套,就連本身PAPER MASK 都貼MA出來.

"FU" 完塊面豬幾白滑. 毛孔都細緻左,可能有蒙面超人面膜套,比較快吸收.

我又發揮我C 奶本色,用淨個MASK,當MA NECK MASK 用....好啱位....

整體個蒙面超人沐浴面膜套,係唔錯,唔會焗身,不過夏天未知....用左之後D面膜比較快吸收同效果亦明顯. 所以我會繼續用.不過SIS 們如果買一定要清洗干淨.每之用之前同之後都要用清潔乳/液洗洗先.安心D LA..

My Sharing:

http://yvonnecheung.theztyle.com

http://itrial.hk/user/ycheung238

http://www.ubeauty.com.hk/member_blog/yvonnecheung/

http://blog.qooza.hk/ycheung238

http://beauty.qooza.hk/share/38966

http://weshare.hk/ycheung238

http://blog.hk.88db.com/?author=526

http://www.fnb.hk/blog/space-29496.html

http://blog.she.com/craven/

http://www.beautyexchange.com.hk/blog/Craven

Email: ycheung238@yahoo.com.hk

本文章所發表的全部內容均屬個人意見及感受，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。