一個高登巴打的獨白
2014/02/21 06:54:20 網誌分類: 人物素描
「上得高登,一定係毒男啦!」
外界對高登仔有很多誤解,因為高登既會員很神秘,身份保密,而惡搞、起底、創意無限,是高登巴打一般給人的印象;相比其他的香港主流媒體,高登言論較為激進出位;除了毒男愛上高登討論區外,也有唔少既港女有上高登。
話說高登仔,個個自稱身高180,文憑試攞30分,單手可以游出公海,論學歷,大把高登巴打來自三大,亦不乏讀神科既猛人,比起果啲只系做份7仔既MK仔,連自己既前景將來都未睇清楚,真係有天淵之別。
高登仔無論在文筆、電腦技術,時事觸覺,同果班連正字都未識打既MK仔比較,真係蚊髀同牛髀,冇得比;男人老狗,MK仔剩系識學人用埋啲T_T、=.=、O(∩_∩)O、XD既表情符號,簡直係對男人既侮辱。
唔講學識,講生活態度,高登仔有無限既創意,高尚既生活品味,無論改圖、笑話、潮文、好歌、好文、美食、八卦娛樂、旅遊介紹、社會民生、電腦資訊等,樣樣通曉,可以日日同你分享無限既開心!
睇唔明高登式既幽默,代表你份人幽默感有限,同果班成日開埋啲面書招關係,又或者轉帖一些普通話程度差少少,都睇唔明既所謂幽默,不可以相提並論。
講人品,高登仔雖然都有講衰野,都會講粗口,但十居其九都係吹多,其實佢地大多又怕醜又內斂,絕對不會做出識左唔夠三五七日,就飛禽大咬,如狼似虎的禽獸行為,反觀,佢地個個都是純情既宅男。
而果班成日出黎WET既MK仔,話到自己幾咁清純,又講自己拖都未拍過,其實個個都系偽君子,都系色狼,一到溝左你之後,轉過頭來,行街食飯睇戲,分分鐘要你倒貼。
信我,高登仔係最好既,香港剩女多,唔揀高登仔做男朋友,班港女真係唔識貨,走哂寶都唔知道!
回應 (0)
我要發表