一蚊雞
近日whatsapp流傳一隻樣衰衰嘅雞，聲稱係朋友響稻香買嘅嘅，放左一曰便變成咁嘅樣：
當時心裡面第一個疑問：我從唔同嘅人收倒同一個訊息、亦是同一張相。呢位人士都算交遊廣闊咯！
尋日新聞報導：
今次在社交網站facebook、討論區及WhatsApp流傳有關稻香的謠言，行文與以往針對不同機構的謠言類同，又是以「大家小心」作開頭，今次訊息並附上一隻呈瘀藍色的熟雞圖片，呼籲勿買稻香的雞製食品。
到傍晚，稻香在官方網站發表嚴正聲明，稱注意到近日在社交媒體流傳稻香集團使用「打針催生雞」的傳言，強調有關謠傳完全不真實，稻香從無使用「打針催生雞」，所提供的食品都嚴格遵守香港食品安全標準；為有效管理雞隻品質，稻香更在內地自設家禽養殖農場，一條龍規範及管理飼料、飼養、屠宰及配送流程。
聲明指，稻香過去均在每年三至四月推廣「壹蚊雞」優惠，別有用心者在此時刻發放謠言，稻香認為是有人惡意抹黑以打擊其業務，已就事件報警。
警方發言人表示，已將案件列作求警協助處理，交由大埔分區人員跟進。
第二個疑問：如果我買倒隻咁嘅雞，我會帶埋隻雞去舉報，唔會好似呢位仁兄咁(警方經已搵倒果位仁兄)，淨係響網上傳，而將證物棄置囉(某報張係咁講)！
我絕對唔係想幫稻香講好話，因為較早前我都有寫過關於稻香食物質素與味道方面的問題。只是，現今社會，太多唔同嘅機構鍾意利用網上免費平台作出打擊商業競爭對手的活動，我個人絕對唔會將這些未經證實的消息亂傳，攪到人心惶惶---要擔心嘅唔單只係稻香嘅雞，依家所有雞都有機會係打針雞，驚嘅咪全部都唔食囉！
我依家買果啲聲稱(點解講聲稱？因為一日未證實佢有問題、都假設佢係冇問題先：疑點歸被告)係無激素飼養嘅，咁又係咪一定安全呢，真係無人知！消費者委員會都係等人地食左好耐、或者用左好耐至做測試，果陣知道有問題可能都太遲咯！
內陸咁多發明家：做假雞蛋、假鹽、假豉油、假....，總之咩嘢都可以發明倒幾可亂真嘅嘢，如果佢地用個腦諗番啲正面啲嘅嘢，世界係咪和平得多、大家食嘢係咪安心得多呢？
我好鐘意食雞但係一隻又要食好耐，所以都係外買雞飯返屋企食。
靚豬：如果你買左隻係打針雞，即使係自煮都冇用！
我都收到2次啦，通常見要轉發，要小心我一望就唔會睇，即DEL.
但如果係家人我會答吓，我答我在未過夜已食左。另我會問，佢個廚師都識催生針？
我在收音機聽到呢樣嘢，但暫時未收過，我好怕人哋send太多呢類whatsapp俾我，我睇完就算，唔會再轉發。如果係真，新聞一定會講囉！
我好少買包裝整好啲雞，多數買番來自己煮。