A級
2007/09/23 18:41:29 網誌分類: 文化
記得以前做功課、考試等,英文科用A、B、C、D、E等評分,最叻就係A+;而中文就係用甲、乙、丙、丁,當然最威威就梗係甲+啦;至於操行分就用優、良、中、可、差。咁樣分法,最起碼我們一看就知道乜最好、乜最唔好。
今日今時的社會進步了,單一個A字並非代表最好,因為有了AA、AAA、AAA++等不同的級別,換言之,A愈多就愈好愈醒,就看每年會考的狀元,都係鬥A多,今年仲多個"*"添。
在一些商店,例如海味舖、茶葉舖等,入到去買甲級或者上等貨,千祈唔好以為最 good,因為仲會有特級、超級、頂級等更好、更更好、更更.......更好。甲級,嗤,一般貨仔咋.......
老鼠不明白,究竟是商人魚目混珠,抑或顧客自己自欺欺人呢?真係唔知咯!
但有一樣嘢大家都好清楚,去深圳買野,遍地都是A貨,當地售貨員亦都老實不客氣話比你D消費者知A貨即係冒牌貨,明賣明買,甘心命抵。突然間想起,大陸講嘅係 fake貨,而港人聽嘅係A貨呢,你知啦,大陸人講英文D音歪歪地啦!
問心,唔叫A叫番D或E貨,你哋會唔會買丫。
老鼠我坦白些,唔叫自己做A老鼠,水皮咪水皮囉,哈哈。
嘻嘻, 我叫米奇啊! 大家都是鼠輩,齊齊交個朋友啦!
有料老鼠 :
(
~月亮彎彎月亮彎彎~
~ 中 秋 節 快 樂 ~
~ 股運亨通 ~
我不是A貨TOM媽媽