上學去!

今日「幼稚阮」開學。老師一係唔開新班，今次同一日內開三個新班。

上星期老師經已叫我返第二班，但係尋日打電話俾我想我改返第三班，我堅持唔改，因為果個鐘數係我食晚飯時間；可以的話，我都唔想夜晚返學。

去到上課地點樓下，見上一堂下課果啲大部份都係我讀開果班啲人。心諗：咁咪即係攞嚟攪，好彩入到課室，發覺呢班啲同學真係白紙一張，咁我自然Miss上身，「升呢」做大師姐啦！

所以冇咁大個頭真係唔好戴咁大頂帽！我上呢班成個人輕鬆晒，連腰骨都冇痛---難道我條腰骨痛左成年，真係因為受唔住壓力？

大家同時間開始學，我點都唔相信我嘅進度會差過其他人！而且，大家都係新同學，冇人會蝦人、亦冇人會睇唔起人(咁你知我係曾經俾人睇唔起果個啦)！