播映無期

王維基嘅如意算盤卒之都喺打唔響! 雖然基於咩嘢理由都好, 最失望嘅當然喺我哋呢班想睇連場好戲嘅觀眾, 都唔知仲要等到何年何月至真正有得選擇. 香港特區政府究竟攪邊科呢? 若果話王維基買咗中移動香港子公司嘅頻譜喺唔妥當嘅話, 喺唔喺好應該就起交易完成嘅第二日就好通知王維基, 使唔使攪到咁遲呢?

講真一句說話, 王維基比香港觀眾嘅感覺幾好, 表明有心攪好香港電視行業嘅風氣, 比一班有志投身演藝界嘅新血有好嘅平台發揮所長; 比一班現職嘅職藝員可以一吐烏氣嚟還以顏色比TVB睇! 無奈有心做嘅, 卻受到港府諸多限制, 始終打住規矩兩個字嚟玩咬文嚼字. 據報導王維基都使咗十億, 好擔心佢血本無歸!

與此同時, 經已拍攝好咗嘅優質電視節目變相咁成為倉底貨, 除非喺短期內攪掂晒所有困難, 否則只得出售存貨呢條路走. 正所謂洗濕咗個頭, 點知都喺兩頭唔到岸. 好心香港政府比條生路行吓好, 何必要趕盡殺絕? 雖然, 執法嚴明喺好啱, 不過仲有法外施恩呢一句噃. 何況, 香港政府都唔好太逆廣大觀眾嘅心至得.

TVB話晒都惡左四十幾年, 輪到啲新力軍衝激下呢潭死水, 相信會喺好事嚟. 換句話講, 王維基教精咗TVB反省, 如果想保住業界一哥地位, 就要投放多啲資源, 同時唔好刻薄班職藝員. 站喺筆者立場, 梗喺支持王維基盡快開台. 筆者自問唔睇家庭電視好耐, 但如果有好嘅節目, 都有興趣睇吓. 請港府比條生路行好喎!(14年3月稿)