真相即將揭曉

丹心對日月

惹得刀來說

大話兩三言

茅坑出俊傑

呢嗱、人們對真理嘅信念又一次被證實是完全經不起考驗的。轟動紫荊城嘅斬人案嘅兇徒終於落網。日前總捕頭親自粉墨登場、聲稱所掌握到的證據並無顯示與打壓報導自由有關。如此這般、江湖上又激發起一場針鋒相對嘅風波。其實疑兇已經在家鄉落網並在解返途中、巡捕房只要從速搜證、將幕後黑手查找出來、然後將之繩之以法、到時就可以真相大白。何故總捕頭偏要在這個時候畫蛇添足、將案件與打壓報導自由劃清界線、而局外人又凭啥去質疑總捕頭所講的話？更令人啼笑佳非的就是大話堂諸君明知當案件進入司法程序之後、所有資料均不得外泄、以確保司法公正、但偏偏有人提議傳召總捕頭前往解畫。咁你話啦、呢齣假到連屁都不如嘅劣質戲還要做畀人睇、唔係愚民係乜嘢？

每當事情被熱炒起來之時、那些所謂權威消息便在坊間不脛而走、其中有指總捕頭之所以急於下定論、目的是希望盡快消除民間對報導自由受威脅的疑慮、可惜得出來的結果卻是適得其反。不過亦有傳聞指出、經過這麼樣一鬧、神童被封殺對社會所造成嘅哄動就可被沖淡、乃是除笨有精之選。所以話啫、傳聞呢家嘢、有時真係冇乜譜嘅、故此信與不信亦無所謂。但現在問題是、到底人們是否應該單凭受害人是個與物無忤嘅好人、就可以斷定案件是與打壓報導自由有關？眾所周知、江湖上還有一種叫作點錯相嘅玩意。試問誰敢保證今次不會有此可能？不過事情發展到這個地步、縱使有人承認今次事件是點錯相、亦恐怕會引起廣泛質疑。現在嫌疑犯和一干涉嫌人物已經相繼落網、真相能否大白於陽光之下、相信很快便有分曉。